އަރަބިއަން ޓްރެވެލް މާކެޓު (އޭޓީއެމް) ގައި ރާއްޖޭގެ ފަންނުވެރިންގެ ހުނަރު ދައްކާލުމުގެ ފުރުސަތު ހުޅުވާލައިފި އެވެ.
މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް (އެމްއެމްޕީއާރްސީ) އިން ބުނީ މި މަހުގެ 28 އިން އަންނަ މެއި މަހު 1 އަށް ދުބާއީގައި އޮންނަ އޭޓީއެމްގައި ދިވެހި ފަންނާނުންނަށް އެ މީހުންގެ ހުނަރު ދައްކައިލަން ފުރުސަތިު ހުޅުވާލައިފާ ކަމަށެވެ. އޭގެ ތެރޭގައި އާޓިސްޓުންނާއި މިއުޒިޝަނުން ހިމެނެ އެވެ.
އެހެންވެ އެފަދަ ފަންނުވެރިން ހުނަރު ދައްކައިލަން އެޕްލައި ކުރުމުގެ ފުރުސަތު މި މަހުގެ 9 އާ ހަމައަށް ވަނީ ހުޅުވާލައިފަ އެވެ.
MMPRC is offering an incredible opportunity for a talented Maldivian artist to display their work and perform live art demonstrations at the Arabian Travel Market (ATM) 2025 in Dubai, along with the prestigious Maldivian Evening!
Deadline for applications: April 09, 2025 pic.twitter.com/yK6MUQudX9
— Maldives Marketing & Public Relations Corporation (@mmprc_corporate) April 3, 2025
އޭޓީއެމް ފެއާ އޮންނާނީ ދުބާއީގެ ވޯލްޑް ޓްރޭޑް ސެންޓަރުގަ އެވެ.
މި ފެއާ ބާއްވާތާ 30 އަހަރުވެފައިވާ އިރު، ކޮންމެ އަހަރަކު ވެސް އޭގައި ރާއްޖެ ބައިވެރިވެ، ރާއްޖެ ޕްރޮމޯޓްކުރެ އެެވެ. މިދިޔަ އަހަރުގެ އޭޓީއެމްގައި، އެމްއެމްޕީއާރުސީއާ އެކު ރާއްޖޭގެ ޓޫރިޒަމް ދާއިރާގެ 253 ފަރާތަކުން ބައިވެރިވި އެވެ.