އައްޑޫ ހިތަދޫ ކިޅިއެއްގެ ތެރެއިން މީގެ ދެ ދުވަސް ކުރިން ފެނުނު ބިދޭސީ ފިރިހެން މީހާގެ މަރާ ގުޅިގެން ޝައްކުވާ ކަހަލަ އެއްވެސް ކަމެއް ފާހަގަކުރެވިފައި ނުވާ ކަމަށް ފުލުހުން ބުނެފި އެވެ.
އެ ފރިހެން މީހާ ފެނުނީ ހިތަދޫ އާރިކިޅި ތެރެއިން މި މަހުގެ 2 ވަނަ ދުވަހުގެ ހެނދުނު އެވެ. އެ ދުވަހު ފުލުހުން ޑޮކްޓަރުންނާ ހަވާލާދީ ބުނެފައި ވަނީ އެ މީހާ ނަގައިގެން އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އަށް ގެންދިޔަ އިރު ވެސް މަރުވެފައިވާ ކަމަށެވެ.
އެ މީހާ އަކީ ހިތަދޫގެ ރެސްޓޯރަންޓެއްގައި މަސައްކަތް ކުރަމުން އައި އިންޑިއާ މީހެކެވެ.
ފުލުހުން ބުނީ އެ މީހާގެ މަރާ ގުޅޭ ތަހުގީގުގައި ޝައްކު ކުރެވޭ އެއްވެސް ކަމެއް ފާހަގަކުރެވިފައި ނުވާ ކަމަށާއި ސީސީޓީވީ ފުޓޭޖް ދިރާސާކުރުމަށް ފަހު، އެ މަރަކީ އެހެން ފަރާތެއްގެ ޝާމިލުވުމެއް އޮތް ހާދިސާއެއްކަން ފާހަގަވެފައި ނުވާ ކަމަށެވެ.