ހދ. ކުޅުދުއްފުށި ފުލުހުންގެ ބެލުމުގެ ދަށުގައި ހުރި މީހަކު އަމިއްލައަށް މަރުވާން މަސައްކަތް ކުރުމުން ސަލާމަތްކޮށް ފަރުވާ ދޭން ފަށައިފި އެވެ.
ފުލުހުން ނެރުނު ބަޔާނެއްގައި ބުނި ގޮތުގައި ރެއިން ފެށިގެން ކުޅުދުއްފުށީ ހޮސްޕިޓަލްގައި ފަރުވާ ދެމުން އަންނަ މީހާ އަކީ މަސްތުގެ ހާލަތުގައި ގޭގެ މުދަލަށް ގެއްލުންދީ ހަމަނުޖެހުން ހިންގި މައްސަލައަކާ ގުލިގެން މި މަހުގެ 2 ގައި ހައްޔަރުކުރި 34 އަހަރުގެ ފިރިހެނެކެވެ.
ފުލުހުން ބުނީ އޭނަ ބަންދުގައި ހުއްޓައި މަރުވާން އުޅުނު މައްސަލައާ ގުޅިގެން އަޅަން ޖެހޭ ފިޔަވަޅުތައް އަޅައި، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އަދި ނެޝަނަލް އިންޓަގްރިޓީ ކޮމިޝަން (އެންއައިސީ) އަށް ހާދިސާގެ މައުލޫމާތު ހިއްސާކޮށްފައިވާ ކަމަށެވެ. އަދި އެ ހާދިސާގެ ތަހުގީގަށް ފުލުހުންގެ މޭޖާ ކްރައިމް އިންވެސްޓިގޭޝަންގެ ޓީމެއް ކުޅުދުއްފުއްޓަށް ފޮނުވުމަށް ވެސް ނިންމާފައިވާ ކަމަށް ބުންޏެވެ.
ފުލުހުންގެ ބެލުމުގެ ދަށުގައި ހުރި މީހާ އަމިއްލައަށް މަރުވާން އުޅުނު މައްސަލަ ހިނގާފައިވާ ގޮތުގެ އެތެރޭގެ ތަހުގީގެއް ޕްރޮފެޝަނަލް ސްޓޭޑާޑްސް ކޮމާންޑުން ހާއްސަ އިސްކަމެއް ދީގެން އަންނަނީ ކުރަމުންނެވެ.
ދެހާސް ބާވީހުގައި ވެސް ކުޅުދުއްފުށި ޕޮލިސް ސްޓޭޝަންގައިމީހަކު އަމިއްލައަށް މަރުވެފައިވެ އެވެ. އެއީ ހދ. ނޮޅިވަރަމްގައި އަނބިމީހާ މަރާލި ކަމަށް ތުހުމަތު ކުރެވުނު އދ. ފެންފުށި ރޯޒީ ވިލާ، އަބޫބަކުރު ފައިސަލް އެވެ. އޭނާ މަރުވީ ކުޅުދުއްފުށި ރީޖަނަލް ހޮސްޕިޓަލަށް ގެންގޮސް އައިސީޔޫގައި ފަރުވާ ދެމުން ދަނިކޮށެވެ.