Last Updated: April 5, 20:12
Saturday, April 5, 2025
ޚަބަރު

ބަންދު ނިމި މާދަމާ އޮފީސްތަކާއި ސްކޫލްތައް ވެސް ހުޅުވަނީ

ދިގު ބަންދަކަށް ފަހު ސަރުކާރު މާދަމާ ހުޅުވޭ އިރު، ދިރާސީ އާ އަހަރު ފެށުމުގެ އެންމެ ފަހުގެ ތައްޔާރީތައް ވެސް ފަށައިފި އެވެ.

ރޯދަ މަހުގެ ފަހު 10 އާ އެކު ލިބުނު ބަންދާއި ފިތުރު އީދާ ގުޅިގެން ލިބުނު ފަސް ދުވަހާ އެކު 15 ދުވަސް ފަހުން މާދަމާ އިން ފެށިގެން އަނެއްކާ ވެސް ސަރުކާރުގެ އޮފީސްތައް އާންމު ގަޑިތަކަށް ހުޅުވައި ހިދުމަތް ދޭން ފަށާނެ އެވެ.

ސްކޫލް ބޮޑު ޗުއްޓީ އަށް ފަހު މާދަމާ ދިރާސީ އާ އަހަރު ފެށުމުގެ އެންމެ ފަހުގެ ތައްޔާރީތައްވެފައިވާ ކަމަށް އެޑިއުކޭޝަން މިނިސްޓްރީން ބުންޏެވެ. އެ މިނިސްްރީން ބުނީ ދިރާސާ އާ އަހަރު މާދަމާ ފަށާ އިރު، ދަރިވަރުންގެ ފޮތްކާއި ޓީޗަރުން ވެސް ހަމަވާނެ އެވެ.

އެޑިއުކޭޝަން މިނިސްޓްރީން އާންމުކުރި ކަލަންޑަރުގައިވާ ގޮތުން ފުރަތަމަ ޓާމުގެ ޗުއްޓީ ފަށާނީ ޖުލައި 24 ގަ އެވެ. ދެވަނަ ޓާމު ފަށާނީ އޮގަސްޓު 10 ގަ އެވެ. މި އަހަރުގެ ދިރާސީ އަހަރުގެ ފުރަތަމަ ޓާމުގައި ކިޔަވައިދޭނެ ދުވަސްތަކުގެ އަދަދު މަދެވެ. ކުރިން 83 ދުވަސް ކިޔަވައިދޭ ގޮތަށް އޮތް ނަމަވެސް ފަހުން ގެނައި ބަދަލާއެކު ފުރަތަމަ ޓާމުގައި ކިޔަވައިދޭނީ 81 ދުވަ ހުއެވެ.

ދެވަނަ ޓާމުގައި ކިޔަވައި ދޭނީ 99 ދުވަހުއެވެ. މިއީ ކުރިން ނެރުނު ކަލަންޑަރުގައި ބުނެފައިވާ ދުވަހަށް ވުރެ ދެ ދުވަހުގެ އިތުރުވުމެކެވެ.

އަދި ދިރާސީ އަހަރުގައު މުޅި ޖުމްލަ ކިޔަވައި ދޭނީ 180 ދުވަހުއެވެ. އަދި ބޮޑު ޗުއްޓީ ލިބޭނީ ޑިސެމްބަރު 28 އިން ޖެނުއަރީ 27 އަށެވެ.

ޗުއްޓީއާ ދިމާކޮށް ވަރަށް ގިނަ ބަޔަކު އެކި ތަންތަނަށް ޗުއްޓީ އަށް ގޮސްފައިވާ އިރު، ތަންތަނަށް ދިޔަ މީހުން އެނބުރި އެ މީހުން ދިރިއުޅޭ ތަންތަނަށް މިއަދު އައިސް ނިންމާނެ ކަމަށް ބެލެވެ އެވެ.