Last Updated: April 5, 20:33
Saturday, April 5, 2025
ޚަބަރު

ފިހުނު ފިރިހެން މީހާ އަދިވެސް އައިސީޔޫގައި

އއ. ރަސްދޫގައި ފިހުނު ދެމަފިރިންގެ ތެރެއިން ފިރިހެން މީހާގެ ހާލަތަށް މާ ބޮޑު ބަދަލެއް ނާންނަ ކަމަށާއި އެ މީހާ އަދިވެސް އޮތީ އައިސީޔޫގައި ކަމަށް އައިޖީއެމްއެޗުން ބުނެފި އެވެ.

ރަސްދޫގައި ދެމަފިރިން ފިހުނީ މިދިޔަ މަހުގެ 25 ވަނަ ދުވަހުގެ ރެ އެވެ. އެ ހާދިސާގައި ދެ މީހުންގެ ހަށިގަނޑުގެ ބޮޑު ބައެއް ފިހި، އިތުރު ފަރުވާ އަށް މާލެ ގެންގޮސް ފަރުވާ ދެމުން ދަނިކޮށް އަންހެން މީހާ މަރުވީ މިދިޔަ މަހުގެ 31 ގަ އެވެ. އެއީ އެ ރަށު އަންބަރީގޭ، އައިޝަތު ރިފްގާ، 31، އެވެ.

އާއިލާ އިން ބުނެފައިވާ ގޮތުގައި ޑޮކްޓަރުން ވަނީ ފިރިހެން މީހާގެ ވެސް އުންމީދު ކަނޑާލައިފަ އެވެ.

ދެމަފިރިން ރޯވީ އެ މީހުން ނިދާ ކޮޓަރީގައި ރޯވެގެން ކަމަށް މައުލޫމާތު ލިބިފައިވެ އެވެ. ނަމަވެސް އެ ހާދިސާ ހިނގައި ދިޔަ ގޮތެއް ސާފެއް ނުވެ އެވެ.

ފުލުހުން އަންނަނީ ތަހުގީގު ކުރަމުންނެވެ.