އިންޑިއާގެ ވަގްފް ފަންޑްތައް ސަރުކާރުގެ ކޮންޓްރޯލްގެ ދަށަށް ގެންނަން ފާސްކުރުމާ ގުޅިގެން އެ ގައުމުގެ މުސްލިމުންނާއި އިދިކޮޅު ޕާޓީތަކުން ވެސް ކަންބޮޑުވުން ފާޅުކުރަން ފަށައިފި އެވެ.
ވަގްފާ ބެހޭ ގާނޫނަށް ގެނައި އިސްލާހު އިންޑިއާގެ ގާނޫނު ހަދާ މަޖިލީހުގެ ތިރިގެ ލޯކް ސަބާއިން ފާސްކުރީ، ގިނަ ބަހުސްތަކަކަށް ފަހު އިއްޔެ އެވެ. އެ ބިލް މިހާރު ވަނީ ތަސްދީގު ކުރަން ރައީސަށް ފޮނުވައިފަ އެވެ.
ބިލާ މެދު ކަންބޮޑުވުން ފާޅުކޮށް އިންޑިއާގެ މުސްލިމު ބައެއް ލީޑަރުން ވަނީ އެ ބިލް ގާނޫނުއަސާސީއާ ހިލާފު ކަމަށާއި އޭގެ މައިގަނޑު ބޭނުމަކީ ހަރުކަށި ހިންދޫ ފިކުރު ގެންގުޅޭ، ބީޖޭޕީގެ ސަރުކާރުގެ ކޮންޓްރޯލްގެ ދަށަށް މުސްލިމުންގެ ބިންތަކާއި ބިނާތަކާއި މުދާތައް ނެގުން ކަމަށް ބުނެފަ އެވެ.
ނަމަވެސް ސަރުކާރުން ބުނެފައި ވަނީ ވަގްފާ ބެހޭ ބިލަށް ގެނައި އިސްލާހަކީ ވަގްފްގެ ކަންކަން މިހާރަށް ވުރެ ހަރުދަނާކޮށް، ދެފުށްފެންނަ ގޮތަށް ވަގުފް ފަންޑްތައް މެނޭޖް ކުރުން ކަމަށެވެ.
The passage of the Waqf (Amendment) Bill and the Mussalman Wakf (Repeal) Bill by both Houses of Parliament marks a watershed moment in our collective quest for socio-economic justice, transparency and inclusive growth. This will particularly help those who have long remained on…
— Narendra Modi (@narendramodi) April 4, 2025
ބިލް ފާސްކުރުމާ ގުޅިގެން ބޮޑުވަޒީރު ނަރެންދުރަ މޯދީ ވިދާޅުވެފައި މިއީ ތާރީހީ ވަރަށް މުހިއްމު ނިންމުމެއް ކަމަށެވެ.
"މިހާތަނަށް ވަގުފާ ގުޅޭ ކަންކަން ކުރިއަށް ގެންގޮސްފައި ވަނީ ވަރަށް ދޯދިޔާކޮށް، ކޮރަޕްޝަނަށް ވެސް މަގުފަހިވާ ގޮތަށް،" މޯދީ ވިދާޅުވި އެވެ. "ނަމަވެސް ފާސްކުރި ބިލާ އެކު ވަގްފްގެ ކަންކަން ހަރުދަނާ ކުރެވި ރައްޔިތުންގެ ހައްގުތައް ކަށަވަރުކޮށް ދެވޭނެ."