Last Updated: April 5, 22:43
Saturday, April 5, 2025
މުނިފޫހިފިލުވުން

އެޓްލީ އާއި އައްލޫގެ ފިލްމު ޕްރިޔަންކާ އަށް

ތެލެގޫ އެކްޓަރު އައްލޫ އަރުޖުންއާ އެކު ތަމަޅަ ޑައިރެކްޓަރު އެޓްލީ ހަދަން ހަދަން ތައްޔާރީތައްވަމުން އަންނަ ފިލްމުގެ ބަތަލާގެ ރޯލު ޕްރިޔަންކާ ޗޯޕްޅާ އަށް ހުށަހަޅާފައިވާ ކަމަށް ރިޕޯޓްތައް ބުނެފި އެވެ.

މީޑިއާތަކުން ބުނީ މިހާރު އެކަމުގެ މަޝްވަރާތައް ކުރިއަށްދާ ކަމަށެވެ. ނަމަވެެސް 2023 ގައި ޝާހްރުކް ޚާންގެ "ޖަވާން" ގެނެސްދިން ޑައިރެކްޓަރުގެ އާ ފިލްމު އަދި ރަސްމީކޮށް އިއުލާން ނުކުރާތީ މިއާ ބެހޭ އިތުރު އެއްވެސް ތަފުސީލެއް އަދި ނުލިބެ އެވެ. އެކަމަކުމ މިއީ ސަންް ޕިކްޗާސް އިން ވަރަށް ގްރޭންޑްކޮށް ހަދަން ނިންމާފައިވާ އެކްޝަން ފިލްމެއް ކަމަށް ބައެއް މީޑިއާތަކުން ރިޕޯޓްކޮށްފައިވެ އެވެ.

އައްލޫއާ އެކު ފިލްމެއް ހަދަން އެޓްލީ ހަދަން ނިންމީ ސަލްމާން ޚާނާ އެކި ހަދަން ޕްލޭންކުރި ފިލްމުގަ ބަޖެޓް ބޮޑުވެގެން އެ ހުއްޓާލަން ޖެހުމާ ގުޅިގެންނެވެ.

"ޕުޝްޕާ" ގެ ބަތަލުގެ އައްލޫއާ އެކު ފިލްމެއް ކުޅެން ޕްރިޔަންކާ ހުށަހެޅި އިރު، އޭނަ މިހާރު އަންނަނީ "ބާހްބަލީ" އާއި "އާރްއާރްއާރް" ގެނެސްދިން ޑައިރެކްޓަރު އެސްއެސް ރާޖަމޯލީގެ އާ ފިލްމުގެ މަސައްކަތް ވެސް ކުރަމުންނެވެ. މި ފިލްމުގެ ބަތަލަކީ ތެލެގޫ އެކްޓަރު މަހޭޝް ބާބޫ އެވެ.

ޕްރިޔަންކާ އެންމެ ފަހުން ކުޅުނު އިންޑިއާގެ ފިލްމަކީ ބޮލީވުޑްގެ 2019 ގެ "ދަ ސްކައި އިޒް ޕިންކް" އެވެ.

މިހާރު ހޮލީވުޑަށް އިސްކަންދޭ ބަތަލާގެ ކުރިއަށް ހުރި ފިލްމުތަކުގެ ތެރޭގައި އެ އިންޑަސްޓްރީގެ "ހެޑްސް އޮފް ސްޓޭޓް" އާއި "ދަ ބްލަފް" ގެ އިތުރުން ފިރިމީހާ ނިކް ޖޯނަސްގެ އާއިލީ ބޭންޑް 'ޖޯނަސް ބްރަދާސް' ގެ ފިލްމު "ދަ ވެރީ ޖޯނަސް ކްރިސްމަސް" ހިމެނެ އެވެ.

ޕްރިޔަންކާ އެންމެ ފަހުން ފެނިފައި ވަނީ 2023 ގެ "ލަވް އެގެއިން" އިންނެވެ.