Last Updated: April 6, 17:57
Sunday, April 6, 2025
ޚަބަރު

ކުނި އަޅާ މީހުންގެ ފޮޓޯ އާއި ވީޑިއޯ ފޮނުވަން އެދިއްޖެ

މާލޭ މަގުމައްޗަށް ކުނި އަޅާ މީހުންގެ ފޮޓޯ އަދި ވީޑިއޯ ފޮނުވައިދޭން ސިޓީ ކައުންސިލުން އާއްމުންގެ ފަރާތުން އެދިއްޖެ އެވެ.

މާލޭ ސިޓީ ކައުންސިލުން އެކްސްގައި ކުރި ޕޯސްޓެއްގައި ވަނީ މާލޭގެ ހަވީރީ ހިނގުމުގައި ކުނި ބަހައްޓަމުންދިޔަ މީހެއްގެ ވީޑިއޯ ހިއްސާ ކޮށްފަ އެވެ. ކައުންސިލުން ބުނީ އެ ކައުންސިލްގެ ކޮމިއުނިޓީ އެންގޭޖްމެންޓުން ފުލުހުންނާ ގުޅިގެން މި މީހާ ހޯދުމުގެ މަސައްކަތް ކުރަމުންދާ ކަމަށެވެ.

އަދި މިގޮތަށް މަގުމައްޗަށް ކުނި އަޅަމުންދާ ފަރާތްތައް ފާހަގަ ކުރެވޭނަމަ ފޮޓޯ އަދި ވީޑިއޯ ކައުންސިލްގެ ނަމްބަރު 9341144 އަށް ވައިބާ ކޮށްދިނުމަށް ވެސް ވަނީ އެދިފަ އެވެ.

މާލޭގެ މަގުތަކުން ކުނި ނެގުމުގެ މަސައްކަތް ސިޓީ ކައުންސިލުން ކުރަމުންދާއިރު ރައްޔިތުންގެ އެއްބާރުލުން މިކަމަށް ބޭނުންވާ ކަމަށް ކައުންސިލުން ބުނެ އެވެ.