އެމްޑީޕީގެ ރިޔާސީ ޕްރައިމަރީގައި ވާދަކުރުމަށް ހުޅުމާލެ ދެކުނު ދާއިރާގެ މެމްބަރު ޑރ. އަހުމަދު ޝަމްހީދު ޝައުގުވެރިކަން ފާޅުކުރައްވައިފި އެވެ.
ޑރ. ޝަމްހީދު އެމްޑީޕީގެ ބައެއް މެންބަރުންނަށް ފޮނުވި މެސެެޖެއްގައި ވިދާޅުވީ، 2028 ވަނަ އަހަރުގެ ރިޔާސީ އިންތިހާބުގައި އެމްޑީޕީން ވާދަކުރައްވާ ކެންޑިޑޭޓަކު ކަނޑައެޅުމަށް ބާއްވާ އެ ޕާޓީގެ ޕްރައިމަރީގައި ވާދަކުރުމާ ގުޅޭގޮތުން ސިލްސިލާ ބައްދަލުވުންތަކެއް ބާއްވަން ގަސްތުކުުރައްވާ ކަމަށެވެ.
އެގޮތުން މިކަމުގައި އަޅާ ފުރަތަމަ ފިޔަވަޅަށް ޕާޓީގެ މެމްބަރުންގެ ތާއީދާއި އެއްބާރުލުން ބޭނުންވާ ކަމަށް ޝަމްހީދުގެ މެސެޖުގައި ވިދާޅުވެފައިވެ އެވެ.
އެމްޑީޕީ ރިޔާސީ ޕްރައިމަރީގައި ވާދަކުރައްވާނެކަން އެ ޕާޓީގެ ޗެއާޕާސަން ފައްޔާޒް އިސްމާއިލް މީގެކުރިން ވަނީ އިއުލާންކުރައްވާފަ އެވެ.
ފައްޔާޒުގެ އިތުރުން އެމްޑީޕީގެ ރައީސް އަދި ކުރީގެ ފޮރިން މިނިސްޓަރު އަބްދުﷲ ޝާހިދު ވެސް ރިޔާސީ އިންތިހާބަށް ކުރިމަތިލައްވަން މަސައްކަތް ކުރައްވާ ކަމުގެ އަޑުތައް އިވެ އެވެ.