ކެންސަރަށް ފަރުވާ ހޯދަމުން ދިޔަ ސިފައިންގެ މީހަކު ނިޔާވެއްޖެ އެވެ.
އެމްއެންޑީއެފުން ބުނީ ޙިދުމަތުގައި 30 އަހަރަށް ވުރެ ވިނަ ދުވަހު ޚިދުމަތްކުރެއްވި އެމްއެންޑީއެފް ކޯސްޓްގާޑްގެ ސްޓާފް ސާޖަންޓް ޢަލީ ނަޝީދު (ސނ: 2324) ސިނކުޑީގައި ޓިއުމަރެއް އުފެދި، ކެންސަރަށް ފަރުވާ ހޯދަމުން ދަނިކޮށް ނިޔާވީ އައިޗީއެމް ހޮސްޕިޓަލްގައި މިރޭގެ ވަގުތެއްގައި ކަމަށެވެ.
ސްޓާފް ސާޖަންޓް ޢަލީ ނަޝީދު ނިޔާވި އިރު، ސިފައިންގެ ޚިދުމަތުގައި 30 އަހަރާއި، 8 މަހާއި، 19 ދުވަސް ވަނީ ހޭދަކުރައްވާފަ އެވެ. ސްޓާފް ސާޖަންޓް ޢަލީ ނަޝީދު ނިޔާވި އިރު، ކެންސަރު ބައްޔަށް ރާއްޖެއިންނާއި ރާއްޖެއިން ބޭރުން ފަރުވާ ހޯއްދަވަމުން ގެންދާތާ މިހާރު ތިން އަހަރު ވެއްޖެ އެވެ.
ސްޓާފް ސާޖަންޓް ޢަލީ ނަޝީދަކީ ކޯސްޓްގާޑުގެ މާލިމީންނާއި ނެވީންގެ އިރުޝާދާއެކު އެ ޚިދުމަތުގައި ކުރިއަށް ދިޔަ ޒުވާނެކެވެ. ސްޓާފް ސާޖަންޓް ޢަލީ ނަޝީދު ނިޔާވި އިރު، އަނބިކަނބަލަކާއި ތިން ދަރިން ދުނިޔޭގައި އެބަތިއްބެވެ.