ޕީއެސްޖީ އިން 13 ވަނަ ފަހަރަށް ފްރާންސް ލީގުގެ ޗެމްޕިއަންކަން ހޯދައިފި އެވެ.
ލީގުގައި ބާކީ ހަ މެޗު އޮއްވައި ޕީއެސްޖީން ލީގު ޔަގީން ކުރީ ރޭ އަމިއްލަ ދަަނޑުގައި އެންޖާސްގެ މައްޗަށް 1-0 އިން ކުރި ހޯދައިގެންނެވެ.
މި މޮޅާއެކު ޕީއެސްޖީން ޖެހިޖެހިގެން ހަތަރު ވަނަ ފަހަރަށް ލީގު ނެގީ، މިހާތަނަށް ކުޅުނު 28 މެޗުން 74 ޕޮއިންޓާއެކުގަ އެވެ. ދެވަނައިގައި އޮތް މޮނާކޯ އަށް 28 މެޗުން ލިބިފައިވަނީ 50 ޕޮއިންޓެވެ.
މި މެޗުގައި ފެނިގެންދިޔަ ހަމައެކަނި ގޯލު ޕީއެސްޖީ އަށް މެޗުގެ 55 ވަނަ މިނެޓްގައި ކާމިޔާބުކޮށްދިނީ ޑިސައިރޭ ޑޫއޯ އެވެ.
ޕީއެސްޖީ އަށް މި ސީޒަނުގައި ޗެމްޕިއަންސް ލީގާއި ފްރެންޗް ކަޕް ހޯދުމުގެ ފުރުސަތެއް އެބައޮތެވެ. އެގޮތުން ޗެމްޕިއަންސް ލީގުގެ ގަދަ 16 ގައި ޕީއެސްޖީން އެސްޓަންވިލާއާ ދެކޮޅަށް ކުޅޭއިރު، ފްރެންޗު ކަޕްގެ ފައިނަލްގައި ޕީއެސްޖީން ބައްދަލުކުރާނީ ރެއިމްސްއާ އެވެ.