މިނިވަން 50 ޗެމްޕިއަންޝިޕް” ފުޓްބޯޅަ މުބާރާތުގައި ވާދަ ކުރާ ހިތަދޫ ފުޓްބޯލް ކުލަބް (އެޗްއެފްސީ) ޓީމްގެ ގާނާ ފޯވާޑް ޖޯޖް ޕާނޭ ޓީމާއި ގުޅިއްޖެއެވެ.
'އައްޑޫލައިވް' އަށް މައުލޫމާތު ދެމުން ހިތަދޫ ފުޓްބޯޅަ ޓީމުގެ އެސިސްޓެންޓް މެނޭޖަރ މުހައްމަދު އަލްތާފް (އަލްޓީ) ބުނި ގޮތުގައި ގާނާ ކުޅުންތެރިޔާގެ މެޑިކަލް ކަންތައް ފުރިހަމަ ކޮށްފައިވާ ކަމަށާއި މިހާރު އެ ކުޅުންތެރިޔާގެ ރިލީޒް ކަންތަކުގައި އެފްއޭއެމް އާއި ވާހަކަ ދައްކަމުން ދާކަމަށެވެ.އަލްޓީ ބުނިގޮތުގައި ޖޯޖް ޕާނޭ އަށް ފުރަތަމަ މެޗްގައި ކުޅެވޭނެ ކަމަށް އުއްމީދު ކުރާކަމަށެވެ.
ޖޯޖް ޕާނޭގެ އިތުރުން ވެސް ބިދޭސީ ގޯލްކީޕަރަކާއި ފޯވާޑެއް ހިތަދޫ ޓީމާއި ވަރަށް އަވަހަށް ގުޅޭނެ އެވެ.
މިނިވަން 50 ޗެމްޕިއަންޝިޕްގައި ވާދަކުރާ ކޮންމެ ޓީމަކަށް ވެސް ޓީމުގައި ބިދޭސީ ތިން ކުޅުންތެރިން ހިމެނުމުގެ ފުުރުސަތު ލިބެއެވެ.