"އަހާ" ގެ 5 ވަނަ ފޯރަމް މި މަހުގެ 24 ވަނަ ދުވަހު ބާއްވަން ނިންމައިފި އެވެ.
މިނިސްޓަރުންނާ ސުވާލު ކުރެވޭ ގޮތަށް އާންމުކޮށް ހުޅުވާލައިގެން ކުރިއަށް ގެންދާ މި ފޯރަމް އޮންނާނީ 24 ވާ ބުރާސްފަތި ދުވަހުގެ ރޭ 9:00 ޕީއެސްއެމްގެ ޓީވީ ބިލްޑިންގުގަ އެވެ.
މި ފޯރަމްގައި ބައިވެރިވެވަޑައިގަންނަވާ މިނިސްޓަރުންނަކީ ހޯމްލޭންޑް މިނިސްޓަރު ޢަލީ އިޙްސާނާއި އެޑިއުކޭޝަން މިނިސްޓަރު ޑރ. އިސްމާއީލް ޝަފީގާއި އެގްރިކަލްޗަ މިނިސްޓަރު ޑރ. މަރިޔަމް މާރިޔާ އާއި ބަހާ ބެހޭ މިނިސްޓަރު އާދަމް ނަސީރުގެ އިތުރުން އެޓާނީ ޖެނެރަލް އަޙްމަދު އުޝާމެވެ.
ސަރުކާރުގެ މަސައްކަތްތަކާ ގުޅޭ ފަހުގެ މަޢުލޫމާތު ހާމަކުރުމަށް ވަޒީރުންނާއިއެކު ކުރިއަށްގެންދާ "އަހާ ފޯރަމް" މިމަހުގެ 24ވާ ބުރާސްފަތި ދުވަހުގެ ރޭ. pic.twitter.com/HMDEh6rgN9
— PSM News (@psmnewsmv) April 11, 2025
އެ ބޭފުޅުންނާ ކުރަން ބޭނުންވާ ސުވާލުތައް ފޮނުވުމުގެ ފުރުޞަތު މިހާރު އޮތީ ހުޅުވާލައިފަ އެވެ. ފޯރަމް އޮންނަ ތަނަށް ގޮސް ސުވާލުކު ރުމާއި، ފޯނުން ގުޅައިގެންނާއި އެސްއެމްއެސްގެ ޒަރިއްޔާއިންނާއި ސޯޝަލް މީޑީއާ މެދުވެރިކޮށްވެސް ފޯރަމަށް ސުވާލު ފޮނުވޭނެ އެވެ.
އަދި ޕީއެސްއެމްގެ އެޕް، 'ޕީއެސްއެމް އެއާ" އެޕް މެދުވެރިކޮށް ވެސް ސުވާލު ކުރެވޭނެ އެވެ.
ރައީސް އޮފީހާއި ޕީއެސްއެމް ގުޅިގެން ކުރިއަށް ގެންދާ "އަހާ" ސިލްސިލާގެ ފުރަތަމަ ފޯރަމް ބޭއްވީ ފައިވަނީ މިދިޔަ އަހަރުގެ ޖެނުއަރީ 25 ވަނަ ގަ އެވެ.