ހިތަދޫ ފުޓްބޯޅަ ކްލަބް (އެޗްއެފްސީ) އާއި ވިކްޓްރީ ސްޕޯޓްސް ކްލަބްގެ މެދުގައި ކުޅޭ އެކުވެރިކަމުގެ މެޗެއް މިއަދު ހަވީރު ހިތަދޫ ޓާފް ދަނޑުގައި އޮންނާނެއެވެ.
ހިތަދޫ ޓީމުގެ އޮފިޝަލަކު 'އައްޑޫލައިވް' އަށް މައުލޫމާތު ދެމުން ބުނި ގޮތުގައި މިއަދު ހަވީރު ކުޅޭ އެކުވެރި ކަމުގެ މެޗަކީ މިނިވަން50 ފުޓްބޯޅަ މުބާރާތަށް އެތައްޔާރު ވުމުގެ ގޮތުން ކުޅޭ މެޗެއް ކަމަށެވެ. އެހެން ކަމުން ހިތަދޫ ޓީމަށް ހިތްވަރު ދިނުމަށް ހިތަދޫގެ ވީހާ ވެސް ގިނަ ބަޔަކު ޓާފް ދަނޑަށް ދިއުމަށް ޓީމުގެ ފަރާތުން އެދެއެވެ.
ޕްރެޒިޑެންޓްސް ކަޕް ފުޓްބޯޅަ މުބާރާތުގައި ކުޅުމަށް މިވަގުތު އައްޑޫއަށް އައިސްފައިވާ ވިކްޓްރީ ޓީމުން ވަނީ މީދޫ ފުޓްބޯޅަ ޓީމާއި އެކު ވެސް އެކުވެރިކަމުގެ މެޗެއް ކުޅެފައެވެ. އެ މެޗް 0-4 އިން ކާމިޔާބު ކޮށްފައިވަނީ ވިކްޓްރީ އިންނެވެ.