މިނިވަން50 ޗެމްޕިއަންޝިޕުގައި މިއަދު ހަވީރު، ފޭދޫ ފުޓްބޯޅަ ޓީމާއި ދެކޮޅަށް ނިކުންނަން ޖެހުނަސް ޖެހިލުމެއް ނުވާ ކަމަށާއި ފުޓްބޯޅަ ކުޅޭއިރު އަމިއްލަ ރަށެއް ނޯންނާނެ ކަމަށް މަރަދޫ ފޭދޫ ޓީމްގެ ކޯޗް އިމްރާން އަލީ ބުނެފިއެވެ.
އިމްރާން އަލީ އަކީ ފޭދޫ އަށް ނިސްބަތްވާ ބޭފުޅެކެވެ. އަދި އޭނާއަކީ ފޭދޫގެ ޓީމުތަކުގައި މޮޅުކުޅުމެއް ދައްކާފައިވާ ކުޅުންތެރިއެއް ކަން ފާހަގަކޮށްލެވެއެވެ.
އަމިއްލަ ރަށާއި ދެކޮޅަށް އެހެން ޓީމެއް ގޮވައިގެން ނިކުންނަން ޖެހުމުން އެއްވެސް ކަހަލަ ޕްރެޝަރެއް ކުރިމަތިވާނެތޯ ސުވާލު ކުރުމުން އިމްރާން ބުނި ގޮތުގައި އެފަދަ އެއްވެސް ޕްރެޝަރެއް ކުރިމަތި ނުވާނެ ކަމަށާއި، ހުރިހާ ވެސް އަމާޒަކީ މަރަދޫފޭދޫ ޓީމަށް ކާމިޔާބު ހޯދައިދިނުން ކަމަށެވެ.
" ފުޓްބޯޅައިގަ ނޯންނާނެ އަމިއްލަ ރަށެއް. އޮންނާނީ އަމިއްލަ ޓީމު، އަމާޒަކީ މެޗް ކާމިޔާބްކުރުން" މުބާރާތުގައި ފެނިގެންދާނެ އެންމެ ޒުވާން ކޯޗް ބުންޏެވެ.