ހުޅުމާލޭގައި ވަގުތީ ޖަލެއް އަޅަން ބިމެއް ޖަމަޖައްސައިފި އެވެ.
އެ ބިން ހަމަޖައްސާފައި ވަނީ ހުޅުމާލޭ ޖަލާއި އިންވެގެން އޮތް ހުސް ބިމުންނެވެ.
ހޯމްލޭންޑް މިނިސްޓަރު ޢަލީ އިޙްސާން ވިދާޅުވީ، ހުޅުމާލޭ ޖަލާއި އިންވެގެން އޮތް ބިމާ މެދު ގޮތެއް ނިންމުމަށް މާލެ ސިޓީ ކައުންސިލާއި ހައުސިން ޑިވެލޮޕްމަންޓް ކޯޕަރޭޝަން އެޗްޑީސީ) އާއި ކަރެކްޝަންސާ އެކު މަޝްވަރާކޮށްފައިވާ ކަމަށެވެ. އަދި އެ މަޝްވަރާތަކަށް ފަހު ވަގުތީ ގޮތުން ޖަލެއް އެޅުމަށް އެތަން ކަރެކްޝަންސަށް ދޫކުރުމާ ގުޅޭ ގޮތުން އެއްބަސްވުމަކަށް އާދެވިފައިވާ ކަމަށް ވިދާޅުވި އެވެ.
ސެންޓްރަލް ޖަލު އަޅާނިމި ހުރިހާ ޖަލެއް އެތަނަށް ބަދަލުވަންދެން ހުޅުމާލޭޖަލާއި އިންވެގެންއޮތް ބިން ކަރެކްޝަނަލް ސާރވިސްގެ ބޭނުމަށް ބޭނުންކުރަމުން ދިއުމަށް @MaleCitymv އާއި @hdcmaldives އަދި @CorrectionsMv އާއި އެކު މަޝްވްރާ ކުރެވިވަނީ އެއްބަސްވެވިފަ. ރައީސުލްޖުމްހޫރިއްޔާގެ…
— Minister of Homeland Security & Technology (@min_mohst) April 16, 2025
މިނިސްޓަރު ވިދާޅުވީ ހުޅުމާލޭގައި ވަގުތީ ޖަލެއް އަޅަން ނިންމީ އުތުރު ތިލަފަޅުގައި ތަރައްޤީކުރާ ސެންޓްރަލް ޖަލުގެ މަސައްކަތް ނިންމަން ގާތްގަނޑަކަށް ތިން އަހަރުވަރު ނަގާނެތީ ކަމަށެވެ.
އިހްސާން ވިދާޅުވީ އަލަށް ހަދާ ވަގުތީ ޖަލު ވާނީ ޕްރީ-ފެބްރިކޭޓްކޮށް ހަދާ ތަނެއްކަމަށެވެ. އަދި އެތަން 8 މަސްތެރޭގައި ނިންމައިލެވޭނެ ކަމަށެވެ.