ވެމްކޯ އިން ފޮޅައި ސާފު ކުރުމުގެ މަސައްކަތުގެ ތެރެއަށް ރަސްމީކޮށް ވަދެއްޖެ އެވެ.
އެ މަސައްކަތުގެ ތެރެއަށް ވަންނަން ނިންމާފައިވާކަން އެ ކުންފުނިން މިދިޔަ އަހަރުގެ ޖުލައި މަހުގެ ތެރޭގައި ބުނެފައިވެ އެވެ. ވެމްކޯގެ ފޮޅައި ސާފު ކުރުމުގެ ހިދުމަތަށް ކިޔަނީ "ހޮބާ" އެވެ.
އެގޮތުން އެ ހިދުމަތް ދޭން ނިންމުމާ އެކު އިއްޔެ ވަނީ ސަރުކާރުގެ ހަތަރުު އޮފީހެއްގެ މަސައްކަތަކާ ހަވާލުވެ ސޮއިކޮށްފި އެވެ. އެއީ މިފްކޯ އާއި ނެޝަނަލް ލައިބްރަރީ އާއި ޓްރާންސްޕޯޓް މިނިސްޓްރީ އަދި ފެނަކަ ކޯޕަރޭޝަނެވެ.
ވެމްކޯ އަކީ ރާއްޖޭގައި ކުނި މެނޭޖް ކުރުމުގެ މަސައްކަތަށް ހާއްސަކޮށްގެން އުފެއްދި ކުންފުންޏެވެ. އެގޮތުން ރާއްޖޭގެ ވަރަށް ގިނަ ރަށްރަށުގައި އެ ކުންފުނީގެ ހިދުމަތް އަންނަނީ ދެމުންނެވެ. މީހުން ދިރިއުޅޭ ރަށްރަށުގެ އިތުރުން ރިސޯޓްތަކަށް ވެސް ކުނި އުކައި ދިނުމުގެ ހިދުމަތް ވެމްކޯ އިން ދެ އެވެ.