އައްޑޫ ސިޓީ މަރަދޫ ބޮޮޑުމަގުގައި ދެ ސައިކަލް ޖެހި އެކްސިޑެންޓެއްގައި 3 މީހަކަށް އަނިޔާވެއްޖެއެވެ.
ހިތަދޫ ހޮސްޕިޓަލުގެ ޑިރެކްޓަރ ޝާހް ސައީދު ވިދާޅުވި ގޮތުގައި، މަަރަދޫގައި ހިނގި އެކްސިޑެންޓެއްގައި އަނިޔާ ލިބުނު 2 މީހަކަށް ހޮސްޕިޓަލުގައި ފަރުވާ ދެމުން އަންނަ ކަމަށާއި އެ ދެމީހުންގެ ހާލު ސީރިއަސް ނޫން ކަމަށެވެ. ޝާހް ވިދާޅުވި ގޮތުގައި ހޮސްޕިޓަލަށް ގެނައި 2 މީހުންގެ ތެރެއިން ބޮޑަށް އަނިޔާވެފައިވާ މީހާގެ ކަށިމައްޗާއި އަތުގެ ބައެއް ތަންތަނުން މަށައިގެން ދިޔުން ފިޔަވައި އެހެން އަނިޔާތަކެއް ލިބިފައި ނުވާކަމަށެވެ.
އަދި 3 ވަނަ މީހަކަށް އަނިޔާވި ކަމުގެ ރިޕޯޓް ލިބިފައިވާ ކަމަށާއި 3 ވަނަ މީހާ ހޮސްޕިޓަލަށް ފަރުވާ ހޯދަން އަދި ނާންނަ ކަަމަށެވެ.
ފުލުހުންގެ މީޑިޔާ އޮފިޝަލް ވިދާޅުވިގޮތުގައި މަރަދޫ އޯކިޑްމަގުގައި ބާރު ސްޕީޑްގައި ދުއްވާފައި ދިޔަ 2 ސައިކަލެއް ޖެހި ހިނގި އެކްސިޑެންޓެއްގައި 3 މީހަކަށް އަނިޔާވެފައިވާ ކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ.
އައްޑޫ ސިޓީގެ މަގުތަަކުގައި ހިނގާފައިވާ އެކްސިޑެންޓްތަކުގައި ގިނަ ބައެއްގެ ފުރާނަ ގެއްލިފައިވާކަން ވެސް ފާހަގަކޮށްލެވެއެވެ.