ޕްރެޒިޑެންޓްސް ކަޕްގައި ވާދަކުރުމަށް މިހާރު އައްޑޫ ސިޓީއަށް އައިސްފައިވާ ޓީސީ ސްޕޯޓްސް ކްލަބާއި މާޒިޔާގެ ކުޅުންތެރިން ހިމަނައިގެން އެކުލަވާލާފައިވާ ޓީމަކާއި ހިތަދޫ ސްޕޯޓްސް ކްލަބްގެ(އެޗްއެފްސީ) މެދުގައި ކުޅޭ އެކުވެރިކަމުގެ މެޗެއް މިއަދު ހަވީރު އައްޑޫ ފުޓްބޯޅަ ދަނޑުގައި އޮންނާނެއެވެ.
މިއަދު ހަވީރު 04:00 ފެށުމަށް ހަމަޖެހިފައިވާ މި މެޗް ބެލުމަށް ވީހާވެސް ގިނަ ބަޔަކު ދިއުމަކީ ވަރަށް އެދޭ ކަމެއް ކަމުގައި މެޗް އިންތިޒާމްކުރުމުގައި އިސްކޮށް ހަރަކާތްތެރިވާ ހިތަދޫ ޓީމުގެ އެސިސްޓެންޓް މެނޭޖަރ އަލްތާފް 'އައްޑޫލައިވް' އަށް މައުލޫމާތު ދެމުން ބުންޏެވެ.
ޕްރެޒިޑެންޓްސް ކަޕުގެ ސެމީ ފައިނަލަށް މިހާރު ގޮސްފައިވާ ޓީސީ އާއި މާޒިޔާ އާއި ދެކޮޅަށް މިއަދު ކުޅޭ މެޗަކީ، މިނިވަން50 ފުޓްބޯޅަ މުބާރާތުގައި ވާދަކުރާ ހިތަދޫ ފުޓްބޯޅަ ޓީމަށް އިތުރު ތަޖުރިބާތަކެއް ލިބިގެންދާނެ މެޗެއް ކަމަށް ހިތަދޫ ޓީމުން ފާހަގަކުރެއެވެ.