ޕްރެޒިޑެންޓްސް ކަޕުގެ ސެމީ ފައިނަލުގެ ފުރަތަމަ މެޗްގައި މިއަދު ހަވީރު ނިއުރޭޑިއަންޓާއި އީގަލްސް ބައްދަލު ކުރާ މެޗް ބެލުމަށް ވީހާވެސް ގިނަ ބަޔަކު ދަނޑަށް އައިސް އެޓީމަށް ސަޕޯޓްކޮށްދިނުމަށް އެދޭ ކަމަށް ނިއުރޭޑިއަންޓުން ބުނެފިއެވެ.
ނިއުރޭޑިއަންޓްގެ މެނޭޖަރ އަމީން ފައިސަލް 'އައްޑޫލައިވް' އަށް މައުލޫމާތު ދެމުން ވިދާޅުވި ގޮތުގައި، އައްޑޫއަށް ނިސްބަތްވާ ގިނަ ކުޅުންތެރިންތަކެއް މަތީ ފެންވަރުގައި އެ ކްލަބަށް ކުޅެފައިވާ ކަމަށާއި އެހެން ކަމުން އެ ކްލަބަކީ އައްޑޫއަށް ނިސްބަތްވާ ކްލަބެއް ކަމަށެވެ.
" އައްޑޫއަކީ ހަގީގަތުގައި ހަމަ ނިއުރޭޑިއަންޓް ނިސްބަތްވާ އަތޮޅޭ ބުންޏަސް ދޮގަކަށް ނުވާނެ. ވަކިން ޚާއްސަ ގޮތެއްގައި ހިތަދޫ. މަތީ ފެންވަރުގައ ނިއު އަށް ކުޅުނު ގިނަ ކުޅުންތެރިން ތިބޭނެ އައްޑޫގައި" އަމީން ފައިސަލް ވިދާޅުވިއެވެ.
މިއަދު ހަވީރު ނިއުރޭޑިއަންޓާއި އީގަލްސް ބައްދަލު ކުރާ މެޗް ފަށާނީ ހަވީރު 04:00 ގައެވެ.