އައްޑޫ ސިޓީ އިން ފުރައިގެން މާލެ ދިއުމަށް ދަތުރުކުރަމުންދިޔަ “ސްޕީޑް” ނަމަކަށް ކިޔާ މުދާ އުފުލާ ބޯޓެއް ގއ. އަދަހަމާގަލާ ފަރަށް އަރައިފިއެވެ.
ރޭ ފަތިހު 04:40 ހާއިރު މި ބޯޓު ފަރަށް އެރުމާއި ގުޅިގެން، އެބޯޓުން ދަތުރު ކުރި މީހުން ސަލާމަތް ކުރުމާއި ބޯޓު ފުންކުރުމުގެ މަސައްކަތުގައި ގއ. ވިލިނގިލީގައި މަސައްކަތްކުރާ ފުލުހުންނާ މިވަގުތު ވިލިނިގިލީގައި މަސައްކަތް ކުރަމުންދާ ސްޕެޝަލިސްޓް އޮޕަރޭޝަންސް ގެ ފުލުހުންގެ އިތުރުން ޕާކް ހަޔަޓް ހަދަހަ މޯލްޑިވްސް ރިޒޯޓުގެ މުވައްޒަފުން ދަނީ ޙަރަކާތްތެރިވަމުންނެވެ.
މި ހާދިސާ ފުލުހުންނަށް ރިޕޯޓް ކުރުމާއި އެކު ގއ. ވިލިނގިލީ ޕޮލިސް ސްޓޭޝަންގެ ފުލުހުން ވަނީ ބޯޓު ކައިރިއަށްގޮސް މީހުން ސަލާމަތް ކުރުމުގެ މަސައްކަތް ފަށާފައެވެ. މައުލޫމާތު ލިބިފައިވާ ގޮތުގައި އެވަގުތު ބޯޓުގައި ހުރި އަންހެނަކާއި 2 ކުދިންގެ އިތުރުން 2 ބިދޭސީންނާ އިތުރު 2 ދިވެހިން ފިރިހެނުން ވަނީ ފުލުހުންގެ ލޯންޗުގައި ރައްކާތެރިކަމާއެކު ގއ. ކޮނޑޭ އަށް ގެންގޮސްފައެވެ.
ފުލުހުން މައުލޫމާތު ދޭ ގޮތުގައި މި ބޯޓުން ދަތުރުކުރި އެއްވެސް މީހަކަށް ގެއްލުމެއް ލިބިފައިނުވާކަމަށާ، މިހާތަނަށް ބެލި ބެލުމުން އެނގިފައިވާ ގޮތުގައި ބޯޓުން ދަތުރުކުރީ 10 ފަޅުވެރިންނާ 2 ބީދޭސީންނާ 5 ދިވެހިން ކަމަށެވެ.
ބޯޓު ފުންކުރުމުގެ މަސައްކަތް ބޯޓުގެ ފަޅުވެރިންނާއި، ގއ. ވިލިނގިލީގައި މަސައްކަތްކުރާ ފުލުހުންނާ މިވަގުތު ގއ. ވިލިނިގިލީގައި މަސައްކަތް ކުރަމުންދާ ސްޕެޝަލިސްޓް އޮޕަރޭޝަންސް ގެ ފުލުހުންގެ އިތުރުން ޕާކް ހަޔަޓް ހަދަހަ މޯލްޑިވްސް ރިޒޯޓުގެ މުވައްޒަފުން ގުލީގެން ދަނީ ކުރަމުންނެވެ.
ތަފްސީލް އަންނަނީ…