އައްޑޫ ސިޓީ ހިތަދޫގެ ބައެއް ސަރަހައްދުތަކަށް އުދައިގެ އަސަރު ކުރަމުން އެބަދެއެވެ.
އެގޮތުން ހިތަދޫ ކުޑަކުދިންގެ ޕާކާއި ދިމާލުން އޮންނަ ސަރަހައްދަށް ވަރަށް ބޮޑަށް ލޮނުގަނޑު އަރާފައިވި ނަމަވެސް އެދިމާލުން ލިންކް ރޯޑާއި ހިސާބަށް ލޮނުގަނޑުގެ އަސަރުކޮށްފައެއް ނުވެއެވެ.
ހިތަދޫގެ ބައެއް ސަރަހައްދުތަކަށް އުދައިގެ އަސަރު ކުރަމުން ދާއިރު މޫސުމާއި ބެހޭ އިދާރާއިން އުދައިގެ އަސަރު ކުރާނެ ކަމަށް ލަފާކުރި އައްޑޫގެ 4 ރަށުގެ ތެރޭގައި ހިތަދޫ ނުހިމެނެއެވެ.
ހިތަދޫ ކުޑަކުދިންގެ ޕާކާއި ދިމާލަށް އޮންނަ ސަރަހައްދަކީ، ދިޔަވަރު ބޮޑުވާ ގަޑީގައި އަބަދުވެސް ލޮނުގަނޑު އަރާ ސަރަހައްދެއްކަން ފާހަގަކުރެވެއެވެ.