އައްޑޫ ސިޓީ، ހުޅުމީދޫގެ ބައެއް ސަރަހައްދުތަކަށް އުދައަރަމުން އެބަދެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި އުދައަރާފައި ވަނީ ހަމައެކަނި ހުޅުދޫގެ ބައެއް ސަރަހައްދުތަކަށެވެ. އެގޮތުން ހުޅުދޫ ސްކޫލް ހިމެނޭ ސަރަހައްދަށާއި އާރި ސަރަހައްދަށް ވެސް އުދައިގެ އަސަރުކޮށްފައިވެއެވެ.
ހުޅުމީދޫ އިން ވާހަކަ ދެއްކި ފަރާތަކުން 'އައްޑޫލައިވް' އަށް މައުލޫމާތު ދެއްވަމުން ބުނި ގޮތުގައި، އެރަށު ބޮޑު މަގުގެ ބައެއް ސަރަހައްދުތަކަށް އުދައިގެ އަސަރުކޮށްފައިވާ ކަމަށާއި އަދި ބައެއް ގޯތިތަކުގެ ތެރެއަށް ލޮނުގަނޑު ވަދެފައިވި ނަމަވެސް އެއްވެސް ގެއަކަށް ގެއްލުން ނުވާ ކަމަށެވެ.
ހުޅުދޫގެ ބައެއް ސަރަހައްދުތަކުގައި ވެލި ފުނިތައް ޖަހައި ރައްކާތެރިކަމުގެ ފިޔަވަޅު އެޅުމުގައި ، އެމްއެންޑީއެފް، ޕޮލިސް، އެމްއާރްޑީސީ އަދި އެރަށުގައި ފްލެޓް އެޅުމުގެ މަސައްކަތް ކުރަމުންދާ ޗައިނާގެ ކުންފުނީގެ ފަރާތުން ވެސް ރޭޭ ވަނީ އެހީތެރިކަން ފޯރުކޮށްދީފައެވެ.