އިދިކޮޅު އެންމެ ބޮޑު ސިޔާސީ ޕާޓީ އެމްޑީޕީގެ ފަރާތުން ބާއްވާ ބޮޑު ޖަލްސާއެއް މިރޭ ހިތަދޫގައި އޮންނާނެ ކަމަށް އެ ޕާޓީ އިން ބުނެފިއެވެ.
އެމްޑީޕީ އައްޑޫ ދާއިރާގެ ރައީސް އަދުހަމް 'އައްޑޫލައިވް' އަށް މައުލޫމާތު ދެމުން ވިދާޅުވި ގޮތުގައި މިރޭގެ ޖަލްސާ އޮންނާނީ، ހިތަދޫ ރޯޔަލް ޕްލަސް ކުރިމަތިން އޮންނަ ސަރަހައްދުގައި ކަމަށެވެ. މިރޭގެ ޖަލްސާގައި ބައިވެރިވުމަށް އެމްޑީޕީގެ ބައެއް ބޭފުޅުން ރޭގެ ވަގުތެއްގައި ވަނީ އައްޑޫއަށް ވަޑައިގެންފައެވެ.
އެގޮތުން އެމްޑީޕީގެ ޗެއާޕާސަންގެ ނައިބު އަލީ ނިޔާޒް އާއި އިމްތިޔާޒް ފަހުމީގެ އިތުރުން އައްޑޫ ސިޓީގެ މަޖިލިސް މެންބަރުން ކަމުގައިވާ ރޮޒެއިނާ އާދަމް، އިބްރާހިމްދީދީ ، މުހައްމަދު އަބްދުލް ކަރީމް (ރުކުމާ) އަދި އަލީ ނިޒާރު ވެސް ވަނީ ރޭ އައްޑޫއަށް ވަޑައިގެންފައެވެ. މީގެ އިތުރުން މިރޭގެ ޖަލްސާގައި އަދާލަތު ޕާޓީގެ އިސް ބޭފުޅެއް ކަމަށްވާ ޝީދާތާ ޝަރީފް އާއި އެސްޓީއޯގެ ކުރީގެ އެމްޑީ އަލީ އާޒިމްގެ އިތުރުން އެމްޑީޕީގެ ކުރީގެ ރައީސް ޑރ.ޑީޑީ ވެސް ބައިވެރިވެވަޑައިގަންނަވާނެއެވެ.
އެމްޑީޕީގެ ބޮޑު ޖަލްސާއެއް އައްޑޫ ސިޓީގައި އެންމެ ފަހުން ބާއްވާފައިވަނީ މިދިޔަ އޭޕްރީލް މަހުގެ ތެރޭގައެވެ.