އިއްޔެ ހަވީރު ހުޅުދޫ ޒުވާނުންގެ ޓީމަކާއި ކެނަރީފް ރިސޯޓުގެ(ކުރީގެ ހެރެތެރެ ރިސޯޓް) ޓީމަކާއި ދެމެދު ކުޅުނު އެކުވެރިކަމުގެ ވޮލީ މެޗް ހުޅުދޫ ޓީމުން ކާމިޔާބުކޮށްފިއެވެ.
ކެނަރީފް ރިސޯޓުގައި ކުޅުނު މި މެޗް ހުޅުދޫ ޓީމުން ކާމިޔާބުކޮށްފައިވަނީ 3 ސެޓް 1 ސެޓުންނެވެ. ހުޅުދޫގެ ރައްޔިތުންނާއި ކެނަރީފް ރިސޯޓުގެ މުވައްޒަފުންނާއި ދެމެދު އޮންނަ ގުޅުން ބަދަހި ކުރުމުގެ މަޤްސަދުގައި މީގެ ކުރިން ވެސް ވަނީ ވޮލީ މެޗެއް ކުޅެފައެވެ.
ވޮލީގެ އިތުރުން ހުޅުމީދޫގައި ބާއްވާ އެހެނިހެން ކުޅިވަރު މުބާރާތްތަކުގައި ވެސް ކެނަރީފް ރިސޯޓުގެ ފަރާތުން ބައިވެވަމުން އަންނަ ކަން ފާހަގަ ކޮށްލެވެއެވެ.
