ރާއްޖޭގެ މޫސުން ގޯސްވުމާ ގުޅިގެން ދެކުނުގެ އަތޮޅުތަކަށް ޔެލޯ އެލާޓް މޫސުމާ ބެހޭ އިދާރާއިން ނެރެފި އެވެ.
މޫސުމާ ބެހޭ އިދާރާއިން ޔެލޯ އެލާޓް ނެރެފައި ވަނީ މިއަދު ހެނދުނު 10:15 އިން މެންދުރު ފަހު 1:15 އާ ހަމައަށެވެ. އެ އިދާރާއިން ހާމަކޮށްފައިވާ ގޮތުގައި މި ވަގުތުގައި ދެކުނުގެ އަތޮޅުތަކަށް ބޯކޮށް ވާރޭ ވެހޭނެ ކަމަށާއި އަދި ގަޑިއަކު 13 މޭލާއި 23 މޭލާ ދެމެދުގެ ބާރު މިނުގައި ވައި ޖެހޭނެ ކަމަަށް ލަފާކުރެވޭ ކަމަށެވެ.
މީގެ އިތުރުން ދެކުނުގެ ހިސާބުތަކުގެ ކަނޑުތައް ވެސް އާދައިގެ ވަރަކަށް ގަދަވާނެ ކަމަށާއި، ވިލާގަނޑުގައި ގަދަވާނެ ކަމަށް މޫސުމާ ބެހޭ އިދާރާއިން މައުލޫމާތުދެއެވެ. އަދި މިގަޑިތަކުގައި ރާއްޖޭގެ އެކި ސަރަހައްދުތަކަށް ވައި ހުރި ގޮތަށް ބަލާއިރު ކަނޑު ދަތުރުފަތުރު ކުރުމަކީ ރައްކާތެރި ކަމެއް ނޫން ކަމަށާއި އެހެން ކަމުން ކަނޑުދަތުރުފަތުރު ކުރުމުގައި ސަމާލުވުމަށް އިލްތިމާސް ކުރެއްވި އެވެ.