ޗައިނާގެ ސިލްކްރޫޓް ނިންމުމުގެ ރަސްމިއްޔާތަށާއި އިންވެސްޓްމެންޓް ފޯރަމް ހުޅުވުމުގެ ރަސްމިއްޔާތަށް ޗައިނާއަށް ވަޑައިގެންނެވި ނައިބް ރައީސް އަހްމަދު އަދީބްއަށް މަރުހަބާ ކިއުމަށް ގިނަ އަދަދެއްގެ ޒުވާނުން މާދަމާ ހެނދުނު 11:30 އަށް 1 ނަންބަރު ފާލަން ކައިރިއަށް ދިއުމަށް އޭނާގެ ސަޕޯޓަރުން އެދިއްޖެއެވެ.
އަދީބްއަށް ތާއިދުކޮށް ޒުވާނުން ވަނީ ސޯޝަލް މީޑިއާގައި "އައިސްޓޭންޑް ވިތް އަދީބް"ގެ ނަމުގައި ހާއްސަ ކެމްޕެއިންނެއް ފަށާފައެވެ.
ނައިބް ރައީސް އަހްމަދު އަދީބް މާދަމާ މާލެ ވަޑައިގަންނަވާނެ ކަމަށް ވިދާޅުވެ ވަނީ ޓްވީޓް ކުރައްވާފައެވެ.
ރައީސް ޔާމީން ދަތުރުކުރެއްވި ލޯންޗްކޮޅުގައި އެއްޗެއް ގޮވި ހާދިސާއަށްފަހު ރައީސް ޔާމީން ވިދާޅުވީ ނައިބް ރައީސް އަހްމަދު އަދީބްގެ މައްޗަށް 500 ޕަސެންޓް އިތުބާރު ކުރައްވާ ކަމަށެވެ.