ވެރިރަށް މާލޭގައި ހުންނަ ސްޓެލްކޯ އިމަރާތް ހުންނަ ސަރަހައްދު ބަންދުކުރުމަށް ފަހު ސިފައިންނާއި ފުލުހުން ގުޅިގެން ހާއްސަ އޮޕަރޭޝަނެއް ފަށައިގެން ކުރިއަށް ގެންދާއިރު އެ ސަރަހައްދުން ބޮމެއް ކަމަށް ބެލެވޭ އެއްޗެއް ސިފައިން ހޯދައިފިއެވެ.
ސަލާމަތީ ބާރުތަކުން އެ ސަރަހައްދުގެ ބޮޑުބައެއް ބަންދުކޮށްފައިވާއިރު އެ ހިސާބަށް އާންމުންނާއި ނޫސްވެރިންނަށް ވެސް ނުވަދެވެ އެވެ. އަދި ފަޔާ ލޮރީއެއް ވެސް އެ ސަރަހައްދުގައި ތައްޔާރީ ހާލަތުގައި އެބައޮތެވެ.ސްޓެލްކޯ ސަރަހައްދުގައި ހުރި 'އައްޑޫލައިވް'ގެ ރިޕޯޓަރު މައުލޫމާތު ދޭގޮތުގައި އެ ސަރަހައްދުގައި ފަޔާލޮރީ އެއްވެސް ތައްޔާރީ ހާލަތުގައި އެބައޮތް ކަމަށާއި، އެމްއެންޑީއެފްގެ އޯޑިނެންސް ސާވިސް ޔުނިޓުގެ ބޭފުޅުން ވެސް އެސަރަހައްދުގައި ހަރަކާތްތެރިވަމުން އަންނަ ކަމަށެވެ.
ސިފައިން ވަނީ ގ.އޮއްޓަރުގެ ބަލައި ފާސްކުރުމަށް ފަހު އެގެއިން އެއްޗިހިތަކެއް ގެންގޮސްފައެވެ. އޭގެ ތެރޭގައި ސިފައިންގެ ޔުނިފޯމެއް ވެސް ހިމެނެއެވެ.