ގަން އިންޓަނޭޝަނަލް އެއާޕޯޓްގެ ރަންވޭ އަށް އަލަށް އިތުރު ކުރަމުން އަންނަ ބައިގެ އެއް ބައި އަންނަ މަހު ނިމި ބޭނުން ކުރަން ފަށާނެ ކަމަށް އެ އެއާޕޯޓް ހިންގާ އައްޑޫ އިންޓަނެޝަނަލް އެއާޕޯޓް ކޮމްޕެނީ (އޭއައިއޭ) އިން ބުނެފި އެވެ.
'އައްޑޫލައިވް' އަށް މައުލޫމާތު ދެމުން އޭއައިއޭގެ އޮފިޝަލަކު ވިދާޅުވީ މިހާރު ހަދަމުން އަންނަ ރަންވޭގެ މަސައްކަތް ނިންމައި އަންނަ ޑިސެމްބަރު މަހު ބޭނުން ކުރަން ފަށާނެ ކަމަށާއި ރަންވޭގެ ކޮންކްރިޓް މަސައްކަތުގެ 80 ޕަސެންޓް މިހާރު ވަނީ ނިމިފައި ކަމަށެވެ.
އޮފިޝަލް ވިދާޅުވީ ޑިސެމްބަރުގައި ބޭނުން ކުރަން ފެށޭނީ ރަންވޭގެ 2،200 މީޓަރު ކަމަށެވެ. އަދި ރަންވޭ އަށް އިތުުރު ކުރާ އަނެއް 1،200 މީޓަރުގެ މަސައްކަތް ނިންމައި ލެވޭނީ 2016 ވަނަ އަހަރުގެ މާޗް މަހު ކަމަށެވެ.
ން އެއާޕޯޓް ތަރައްގީކުރަން މިހާރު ހިންގާ މަޝްރޫއު އަށް 40 މިލިއަން ޑޮލަރަށް ވުރެ ބޮޑު އަދަދެއް ޚަރަދުވެގެންދާނެ ކަމަށް އޭއައިއޭ އިން ލަފާކުރެއެވެ.