ސ. އަތޮޅު މަދަރުސާގެ މި އަހަރުގެ ދަސްވެނިވުން ރޭ ބާއްވައިފި އެވެ.
މީދޫ މެޖިސްޓްރޭޓް ކޯޓުގެ ގާޒީ އައްޝެއިހް މުހައްމަދު ތޮއްޔިބު ޝަރަފްވެރިކޮށްދެއްވި މި ޖަލްސާގައި 23 ދަރިވަރަކު ވަނި ދަސްވެނިވުމުގެ ސެޓްފިކެޓް ހާސިލްކޮށްފައެވެ. ދަސްވެނިވި ދަރިވަރުންނަށް ސެޓްފިކެޓް ހަވާލްކޮށް ދެއްވީ ޖަލްސާގެ ޝަރަފްވެރި މެހުމާނެވެ.
ރޭގެ ޖަލްސާގައި ވަނީ އެ ސްކޫލްގެ ގްރޭޑް 10 ދަރިވަރުންނަށް ބޭއްވި މޮކް އެގްޒާމުން އެންމެ މަތީ ނަތީޖާ ހޯދި 10 ދަރިވަރުން ހޮވައިފައެވެ. އެ ދަރިވަރުންނައް ސެޓްފިކެޓް ހަވާލުކޮށް ދީފއި ވަނީ ޝަމްސުއްދީން ސްކޫލް ގެ ޕްރިންސިޕަލް އެވެ. އަދި މީގެ އިތުރުން ދަސްވާރު ޕޮރޮގްރާމް ނިންމި ދަރިވަރުންނަށް ސެޓްފިކެޓް ހަވާލް ކޮއްދެއްވީ އަހުމަދު މުސްތަފާ އެވެ.
ރޭގެ ޖަލްސާގެ ޝަރަފްވެރި މެހުމާނު ދެއްކެވި ވާހަކައިގައި ތައުލީމުގައި ކުރިއެރުން ލިބޭނީ ފަސް ވަގުތު ނަމާދުކޮއް އަޅުކަމާއިގެން އުޅެ ސްކޫލުން ދޭ ފިލާވަޅު ދުވަހުން ދުވަހަށް ދަސްކޮށްގެން ކަމަށް ވިދާޅުވެ އެގޮތަށް ޢަމަލުކުރުމަށް ދަރިވަރުންނަށް ނަސޭހަތްތެރިވިއެވެ.