ވަގަށް ނަގާފައިވާ ކަމަށް ބެލެވޭ ފައިސާތަކެއް އައްޑޫގެ ދެ ގެއަކުން ފުލުހުން ހޯދައިފި އެވެ.
މި މަހުގެ 4 ވަނަ ދުވަހު ގަން ޕޮލިސް ސްޓޭޝަނަށް ހުށަހެޅުނު ވައްކަމުގެ މައްސަލައަކާ ގުޅިގެން ފައިސާތައް ހޯދުމުގެ މަސައްކަތްތައް ކުރަމުން ދަނިކޮށް ފުލުހުންނަށް ލިބުނު މަޢުލޫމާތަކާއި ގުޅިގެން މި މަހުގެ 9 އާއި 10 ވަނަ ދުވަހު ހިންގި އޮޕަރޭޝަނުގައި ފައިސާތައް ފެނިފައި ވަނީ ދެ ގެއެއް ކޯޓު އަމުރެއް ދަށުން ބަލައި ފާސްކުރި އިރު ކަމަށް ފުލުހުން ބުންޏެވެ. އެކަމަކު ފާސް ކުރީ ކޮޮން އަވަށެއްގެ ގެތަކެއް ކަމެއް ފުލުހުން ހާމައެއް ނުކުރެ އެވެ.
އެ ދެ ގެ ބަލައި ފާސް ކުރި އިރު ވަގަށް ނަގާފައިވާ ކަމަށް ބެލެވޭ 6،000ރ އާއި 600 ޑޮލަރާއި 150 ޔޫރޯގެ ތެރެއިން 546 ޑޮލަރާއި 135 ޔޫރޯ ފެނިފައިވާ އިރު ވަގަށް ނަގާފައިވާ ދިވެހި ފައިސާތަކުގެ ތެރެއިން އެއްވެސް ފައިސާއެއް ފެނިފައި ނުވާ ކަމަަށް ފުލުހުން ބުންޏެވެ. އަދި ވަގަށް ނަގާފައިވާ ދިވެހި ފައިސާތަކާއި ތުހުމަތު ކުރެވޭ މީހުން ހޯދުމުގެ މަސައްކަތް ފުލުހުން އަންނަނީ ކުރަމުންނެވެ.ވ