އިއްޔެ ފްރާންސްގެ ވެރި ރަށް ޕެރިހުގައި ދިން ޓެރަރިސްޓު ހަމަލާ ތަކަށްފަހު މި މަހު 17 ވަނަ ދުވަހު އިނގިރޭސި ވިލާތުގައި ކުޅެން ހަމަޖެހިފައިވާ އެކުވަރި ކަމުގެ މެޗުގައި ބައިވެރިވުމަށް ޓީމުގެ 21 ކުޅުންތެރިންގެ ފުލް ސްކޮޑް ދާނެ ކަމަށް އެގައުމުގެ އެފް އޭ އިން ހާމަކޮށްފިއެވެ.
ހަމަލާ ތަކަށް ފަހު އިނގިރޭސި އެފް އޭ އިން ވަނީ މެޗު ކެންސަލް ކުރަން ތައްޔާރު ކަމަށް ފްރާންސަށް އަންގާފައެވެ. އަދި ފްރާންސުގެ ގައުމީ ޓީމުގެ ކޯޗު ވަނީ މެޗުގައި ބައިވެރިވުމަށް ނޭދޭ ކުޅުންތެރިއަކު ހުރި ނަމަ އެކުޅުންތެރިޔަކަށް އެ ފުރުސަތު ދީފައެވެ. އެހެންނަމަވެސް ހުރިހާ ކުޅުންތެރިން ވަނީ މެޗުގައި ބައިވެރި ވެވޭނެ ކަމަށް އަންގާފައެވެ. އޭގެ ތެރޭގައި ލަސާނާ ޑިއާރާ އަދި ގްރީޒެމެން ވެސް ހިމެނެއެވެ. ޑިއާރާގެ ދެބެއެއިންގެ ދެދަރި މީހަކު މިއުދުވާނީ ހަމަލާ ތަކުގައި މަރުވެ ގޮސްފައިވާއިރު ގްރީޒްމެން ގެ އަންހެން ކޮއްކޮއަކު ވަނީ މިހާދިސާ ތަޖުރިބާ ކޮށް ސަލާމަތް ވި މީހުންގެ ތެރޭގައެވެ.
މިހަމަލާ ތަކާ ގުޅިގެން އިނގިރޭސި އެފް އޭ އަދި ގައުމީ ޓީމުގެ ކޯޗު ރޯއި ހޮޑްސަން ވަނީ ފްރާންސުގެ ރައްޔިތުންނަށް ތައުޒިޔާގެ ބަސްތައް ރައްދުކޮށްފައެވެ.
