ކުޑަކުއްޖަކާ ބެހިގެން ހައްޔަރުކުރި އައްޑޫ ކައުންސިލަރ އެއްގެ ބަންދުގެ މުއްދަތަށް 15 ދުވަސް ޖަހައިދީފައިވާ ކަމަށް، "ދިވެހި އޮންލައިން" ގައި ޖަހާފައިވާ ޚަބަރަކީ ދޮގެއް ކަަން 'އައްޑޫލައިވް' އަށް އެނގިއްޖެއެވެ.
އިއްޔެ، "ދިވެހި އޮންލައިން" ވެބްސައިޓްގައި ޝާޢިއުކޮށްފައިވަ ޚަބަރެއްގައި ވަނީ، "ކުޑަކުއްޖަކާ ބެހިގެން ހައްޔަރުކުރި އައްޑޫ ކައުންސިލަރ ބައްދަށް 15 ދުވަސް ޖަހައިފި" ކަމަށެވެ. ނަމަވެސް އައްޑޫ ސިޓީ ކައުންސިލްގައި ހިމެނޭ އެއްވެސް ބޭފުޅަކު ފުލުހުންގެ ބެލުމުގެ ދަށަށް ގެންގޮސްފައި ނުވާކަން ފުލުހުން ވަނީ ކަށަވަރުކޮށްދީފައެވެ.
"ދިވެހި އޮންލައިން" ގައި ލިޔެފައިވާ ޚަބަރު ފަހުން އިސްލާޙްކޮށްފައިވި ނަމަވެސް، އަދިވެސް އެ ޚަބަރުގެ ސުރުޚީ އިސްލާޙްކޮށްފައި ނުވާކަން ފާހަގަކޮށްލެވެއެވެ.