ރޭގައި އިންގްލެންޑް ފްރާންސާއި ދެކޮޅަށް ކުޅުނު އެކުވަރިކަމުގެ މެޗު 0-2 ލަނޑުން އިންގްލެންޑް ކާމިޔާބު ކޮށްފިއެވެ.
ފްރާންސުގެ ވެރިރަށް ޕެރިހަށް މިމަހުގެ 13 ވަނަ ދުވަހު ދިން ޓެރަރިސްޓު ހަމަލާ ތަކަށް ފަހު މަރުވި މީހުންގެ ހަނދާން އާކޮށް މެޗު ބަލަން ވަދެފައި ތިބި 70،000 އަށް ވުރެ ގިނަ މީހުން ފްރާންސުގެ ގައުމީ ލަވައިގައި ބައިވެރިވިއެވެ.
މިމެޗުގައި ރަނގަޅު ކުޅުމެއް ދެއްކި އިންގްލެންޑް ވަނީ މެޗުގެ 39 ވަނަ މިނެޓުގައި ލީޑު ނަގާފައެވެ.
މި ގޯލު ކާމިޔާބު ކޮށް ދިނީ ޑެލީ އަލީ އެވެ. ލީޑު ފުޅާ ކުރަން ހެރީ ކޭން އަދި ރަހީމް ސްޓާލިންގް އަށް ލިބުނު
ފުރުސަތު ތައް ވަނީ ބޭކާރު ވެފައެވެ. އިންގްލެންޑުގެ ދެވަނަ ގޯލު ކާމިޔާބު ކޮށްދިނީ ދެވަނަ ހާފުގެ ކުރީ ކޮޅުގައި
ކެޕްޓަން އަދި އިންގްލެންޑަށް އެންމެ ގިނަ ގޯލު ކާމިޔާބު ކޮށްދީފައިވާ ވޭން ރޫނީއެވެ.
ރޫނީގެ ގޯލަށް ފަހު ފްރާންސް ޓީމަށް ވެސް ވަނީ މެޗުގެ ނަތީޖާ ބަދަލު ކޮށްލަން ރަނގަޅު ފުރުސަތުތަކެއް
ލިބި ބޭކާރު ވެފައެވެ.
މި މެޗަކީ މިއަހަރު އިނގިރޭސި ގައުމީ ޓީމުން ކުޅޭނެ ފަހު މެޗެވެ. މި އަހަރަކީ އިންގްލެންޑް އަށް ކާމިޔާބު އަހަރެކެވެ.
ކުޅުނު 10 މެޗުން 7 މެޗު ކާމިޔާބު ކޮށް އަންނަ އަހަރުގެ ޔޫރޯ އަށް ވަނީ ކޮލިފައި ވެފައެވެ.