ޔޫރޯ 2016 ގެ ކޮލިފިކޭޝަންގައި ސްވިޑެން އަދި ޑެންމާކް ބައްދަލު ކުރި ދެވަނަ ލެގުގެ މެޗު އެއްވަރު ވެ އެގްރިގޭޓުން ސްވިޑެން ކޮލިފައި ވެއްޖެއެވެ.
ފުރަތަމަ ލެގުގައި 1-2 ގެ ނަތީޖާ އަކުން މޮޅުވީ ސްވިޑެން އެވެ. ރޭގެ މެޗުގައި ޑެންމާކުގައި 2-2 ގެ ނަތީޖާ އަކުން އެއްވަރުވެ ކޮލިފައި ވީ އެގްރިގޭޓުން 3-4 ގެ ނަތީޖާ އިންނެވެ.
މެޗުގެ ފުރަތަމަ ގޯލު 19 ވަނަ މިނެޓުގައި ކާމިޔާބު ކުރީ ސްވިޑެންގެ ކެޕްޓަން ޒަލްޓަން އިބްރަހިމޮވިޗެވެ. ދެވަނަ ގޯލު މެޗުގެ 76 ވަނަ މިނެޓުގައި ލިބުނު ހިލޭ ޖެހުމަކުން ކާމިޔާބު ކޮށްދިނީ ވެސް އިބްރާ އެވެ.
އިބްރާ ގެ ދެވަނަ ގޯލަށް ފަހު މާ ގިނަ އިރުތަކެއް ނުވެ ޑެންމާކް އިން ވަނީ ގޯލެއް ޖަހާފައެވެ. 81 ވަނަ މިނެޓުގައި ޔުސުފް ޕޮލްސެން ގެ މި ގޯލަށް ފަހު 9 މިނެޓު ފަހުން އަނެއްކާވެސް ޑެންމާކް ގޯލެއް ކާމިޔާބު ކުރިއެވެ. އެހެންނަމަވެސް އެގްރިގޭޓުގެ ނަތީޖާ ގެ ސަބަބުން ޑެންމާކަށް ޖެހުނީ ޔޫރޯ 2016 ގެ ދަތުރާއި އަލްވަދާއު ކިޔާށެވެ.
ރޭގައި ޔުކްރޭން އަދި ސްލޮވޭނިއާ ބައްދަލު ކުރި ޕްލެއިއޮފް ގެ ދެވަނަ ލެގުް ޔުކްރޭން ކާމިޔާބު ކޮށް އެޓީމު ވެސް ވަނީ ޔޫރޯ 2016 އަށް ކޮލިފައި ވެފައެވެ. ސްވިޑެން އާ ޔުކްރެއިން ކޮލިފައި ވުމުން ޔޫރޯ 2016 ގެ ކޮލިފައިންގެ ހުރިހާ މެޗުތަކެއް މިހާރު ވަނީ ނިމިފައެވެ. ދެން އޮންނާނީ މުބާރާތުގެ ގުރުވަތުލުމެވެ.