ލިވަޕޫލް އަށް ކުޅޭ ސްޕެއިންގެ 30 އަހަރުގެ ގޯލް ކީޕަރު ޕެޕޭ ރެއިނާ ގެންނަން ބާސެލޯނާ އިން މަސަތްކަތް ކުރަމުން ދާ ކަމަށް އިނގިރޭސި ނޫހެއް ކަމަށްވާ ޑެއިލީ މެއިލް އިން ބުނެފި އެވެ.
ބާސެލޯނާގެ މިހާރުގެ ކީޕަރު ވިކްޓާ ވަލްޑޭޒް އޭނާގެ ކޮންޓްރެކްޓްގެ މުއްދަތު އިތުރު ނުކުރުމަށް ނިންމުމުން އެ ޓީމުން ވަނީ އާ ކީޕަރެއް ހޯދުމަށް މަސަތްކަތް ފަށާފަ އެވެ.
އަންނަ އަހަރު ކޮންޓްރެކްޓް ހަމަވާ ވިކްޓާ ވަލްޑޭޒް އޭނާގެ ކޮންޓްރެކްޓް އާ ނުކުރުމަށް ނިންމި ނިންމުމަކީ ބާސާގެ ގިނަ ސަޕޯޓާރުން ސިއްސުވާލި ކަމެކެވެ.
ވަލްޑޭޒްގެ މުޅި ފުޓުބޯޅަ ހަޔާތުގައި އޭނާ ބާސެލޯނާ އަށް ކުޅެފައިވާ އިރު އޭނާ ވަނީ އެ ޓީމާއި އެކު ގިނަ ކާމިޔާބީ ތަކެއް ހޯދާފަ އެވެ.
މިއިން އެއްވެސް ކަމަކާ ގުޅޭ ގޮތުން ބާސާ އިން އެއްވެސް އެއްޗެއް ބުނެފައި ނުވާ އިރު ކުރިއަށް އޮތް ޖޫން މަހުގައި އާ
ކީޕަރެއް ބާސާ އިން ގެންނާނެ ކަމަށާއި އެ މީހުންގެ ލިސްޓުގެ އެންމެ ކުރީގައިނ އޮތީ ޕެޕޭ ރެއިނާ ކަމަށް ރިޕޯޓްތައް ބުނެ އެވެ.