މި ސީޒަނުގައި މެންޗެސްޓާ ޔުނައިޓެޑުން ޕްރިމިއާ ލީގާއި އެފް އޭ ކަޕް އަދި ޗެމްޕިއަންސް ލީގް ކާމިޔާބު ކުރާނެ ކަމަށް ޓެޑީ ޝެރިންހަމް ބުނެފި އެވެ.
1998-99 ސީޒަންގައި މެންޗެސްޓާ ޔުނައިޓެޑުން ޕްރިމިއާ ލީގާއި އެފް އޭ ކަޕް އަދި ޗެމްޕިއަންސް ލީގް ގެންދިޔަ އިރު އެ ޓީމަށް ކުޅުނު އެއިރުގެ އިނގިރޭސި ވިލާތުގެ ގައުމީ ޓީމްގެ ފޯވަޑް ޓެޑީ ޝެރިންހަމް ބުނެފައި ވަނީ މި އަހަރު ޔުނައިޓެޑްގެ ސޮކޮޑްގައި މޮޅު ކުޅުންތެރިން ގިނަ ކަމަށާއި އޭނާ ގަބޫލު ކުރަނީ މިހާރު މި އޮތް ޓީމް 1999 ގެ ޓީމަށް ވުރެ ވަރުގަދަ ކަމަށެވެ.
އިނގިރޭސި ނޫހެއް ކަމަށް ވާ ޑެއިލީ މެއިލް އަށް ދިން އިންޓަވިއު އެއްގައި އޭނާ ބުނެފައި ވަނީ 1999 ގެ ސޮކަޑަކީ އެންމެ ފުރަތަމަ ފަހަރަށް ރޮޓޭޓް ކުރެވުނު މެންޗެސްޓާ ޔުނައިޓެޑްގެ ސްކޮޑް ކަމަށާއި އެއިރު ފުޓްބޯޅަ ދުވަހުން ދުވަހަށް ތަރައްގީވެ އުނދަގޫ ވަމުން ދިޔަ ކަން ފާގަސަން އަށް ގަބޫލު ކުރެވުނު ކަމަށެވެ. އަދި ކުޅުންތެރިން ފިޓް ކޮށް ބޭތިއްބުމަށް އެއްވަރެއްގެ މޮޅު 4 ފޯވަޑުން ހޯދީ ފާގަސަންގެ ވިސްނުން ރަނގަޅު ކަމުން ކަމަށް ވެސް އޭނާ ބުންޏެވެ.
އިތުރަށް ވާހަކަ ދައްކަމުން އެނާ ބުނެފައި ވަނީ އެއިރު ޓީމުގައި ހުރި ޢަޒުމާއި ރޫޙު މިހާރުގެ ޓީމުން ވެސް ފެންނަ ކަމަށާއި ވޭތުވެ ދިޔަ 25 އަހަރުގައި ޔުނައިޓެޑްގެ ޢަޒުމާއި ރޫޙަށް އެއްވެސް ބަދަލެއް އައިސްފައި ނުވާ ކަމަށެވެ.