ފޭދޫ ދާއިރާގެ ރައްޔިތުންނާއި އެކު، އެ ދާއިރާގެ މަޖިލިސް މެންބަރު އިބްރާހިމް ދީދީ (އައިބީ) ބާއްވާ ޚާއްސަ ބައްދަލުވުމެއް މިރޭ އޮންނާނެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި މި ބައްދަލުވުން އޮންނާނީ، މިރޭ 8:30 ގައި ފޭދޫ ސްކޫލް ހޯލްގައެވެ. މީގެ އިތުރުން މި ބައްދަލުވުން ކުރިއަށް ގެންދާނީ ރަށުގެ ތަރައްޤީއާއި ގުޅޭގޮތުން ކުރެވެމުންދާ ކަންތަކާއި ބެހޭގޮތުން ރައްޔިތުންގެ ޚިޔާލާއި ކަންބޮޑުވުންތައް މެންބަރާއި ހިއްސާކުރުމުގެ ފުރުސަތު ލިބޭ ގޮތަށެވެ.
ފޭދޫ ދާއިރާގެ މެންބަރުންނާއި އައިބީ ބައްދަލުކުރައްވާއިރު، އައްޑޫގެ އެހެން ދާއިރާތައް ތަމްސީލް ކުރައްވާ މަޖިލިސް މެންބަރުން މިހާތަނަށް މިފަދަ ބައްދަލުވުމެއް އާންމުކޮށް ހުޅުވާލައިގެން ބާއްވާފައި ނުވާކަން ފާހަގަކޮށްލެވެއެވެ. ނަމަވެސް މަޖިލީސް އިންތިޙާބުގެ ދުވަސްވަރު ހުރިހާ މެންބަރުން ވެސް ރައްޔިތުންގެ އަޑުއެހުމަށް އިސްކަން ދެއްވާނެ ކަމުގެ ޔަޤީންކަން ދެއްވާފައިވާ ކަން ފާހަގަކޮށްލެވެއެވެ.