ވިއްސާރައިގައި ގެއްލުން ލިބުނު ފަރާތްތަކަށް ފައިސާގެ އެހީ ބަހަނީ

އައްޑު އަށް ކުރި ވިއްސާރާގައި ގެއްލުންވި ފަރާތްތަކަށް ސަރުކާރުން ފައިސާގެ އެހީ ބަހަން ފަށައިފި އެވެ.

'އައްޑޫލައިވް' އަށް މައުލޫމާތު ލިބިފައިވާ ގޮތުގައި ފައިސާގެ އެހީ ބަހައި، ލިބުނު ގެއްލުންތައް ބެލުމަށް ފިނޭންސް މިނިސްޓްރީ އާއި ޑިޒާސްޓާ މެނޭޖްމަންޓްގެ ޓީމެއް މިހާރު ގެންދަނީ ހަރަކާތްތެރި ވަމުންނެވެ. އެ ޓީމާއި އެކު ފޭދޫ ދާއިރާގެ މެންބަރު އިބްރާހިމް ދީދީ ވެސް ހަރަކާތްތެރިވެއެވެ.

ފިނޭންސް މިނިސްޓްރީގެ ފަރާތުން ކަނޑައަޅާފައިވާ 'ވަކި އުސޫލަކުން' ފައިސާ ބަހަމުން އަންނަ އިރު، 20،000 ރުފިޔާއަށް ވުރެ ކުޑަ އަދަދެއްގެ ގެއްލުން ވެފައިވާނަމަ ސަރުކާރުން މާލީ އެހީގެ ގޮތުގައި ދެނީ، ލިބުނު ގެއްލުމުގެ 50 އިންސަންތައެވެ. އަދި ލިބުނު ގެއްލުން 20،000 ރުފިޔާއަށް ވުރެ ބޮޑު ނަމަ ގެއްލުމުގެ 75 އިންސައްތަ ސަރުކާރުން އެހީގެ ގޮތުގައި ދޭ ގޮތަށް ވަނީ ހަމަޖެހިފައެވެ.

ގެއްލުން ލިބުނު ގެތަަކަށް ފައިސާ ދޫކުރަނީ އަވަށު އޮފީސްތަކުގައި ލިބުނު ގެއްލުންތައް ނޯޓް ކުރުމަށް ފަހު، އެކަން ބަލައި ލިބުނު ގެއްލުންތަކުގެ ނިސްބަތަށް ބަލައިފަ އެވެ.