އައްޑޫ ސިޓީ ހުޅުމީދޫ އެއި ގާއިމްކޮށްފެއިވޭ ހައިކޯޓް ދެކުނެ ގޮފި އެއި މި ހަފްތާއި ބުދަ ދުވަހުން ފައްޓަގެން ޝަރީޢަތް ކުރިއަށް ގިނޭއް ނިންމަލިޔެ.
ސުޕްރީމް ކޯޓުން ނުކުންމި ގަރާރަކީ ބެނަފެއިވޭ ގޮތެ، އިއްޔެ ބޭވި ސުޕްރީމް ކޯޓެ ފަނޑިޔާރުންގެ މަޖިލީހެ އިއްތިފާގުން މިމަހި 16 ވަނަ ދުވަހުން ފެށިގެން ހައި ކޯޓް ދެކުނު ގޮފި އެއި ޝަރީޢަތްތައް ކުރިއަށް ގިނޭއް ވެނީ ނިންމަފެއި.
ސުޕްރީމް ކޯޓެ ގަރާރާއި ބެނަފެއި ވޭގޮތެ، ކޯޓުތަކާއި ބެހޭ ގާނޫނެ ވޭ ގޮތުގެ މަތިން ހައި ކޯޓެ ދެކުނު ގޮފި ޤާއިމްކޮށްފެއިވޭ ކަމަށް އަދި އެ ކޯޓެ ޝަރީޢަތް ހިނގުވާއް އިދާރީ ގޮތުން ހަމަޖައްސާއް ޖެހޭ އިންތިޒާމްތައް މިކޯ ވެނީ ހަމަޖައްސަފެއި.
ހައި ކޯޓެ ދެކުނު ގޮފިން ބަލާނެއި އައްޑޫ ސިޓީ އެއި ގދ. އަތެޅާއި ގއ. އަތެޅެ އަދި ފުވައްމުލަކި ތިބޭ ފެރެތުމަ މަރުހަލާ އެއި ކޯޓުތަކާއި ޓްރައިބިއުނަލްތަކުން ނިންމާ މައްސަލަތައް.