އައްޑޫ ސިޓީ އެއި ދިއްވާ ޓެކްސީތަކި މީޓަރަ ހަރަކެރާ ގޮތަށް އައްޑޫ ސިޓީ ކައުންސިލުން ނިންމަލިޔެ.
ކައުންސިލުން މިގޮތަށް ނިންމަފެއި ވެނީ އެއްގަމި ދަތެރެ ތަކަށް އަގަ ހަމަޖައްސާއް ކައުންސިލުން ގޮތަށް ނިންމައި ދިނުން އެދި ކައުންސިލަށް ހުށަހަޅަފެއިވޭ މައްސަލަ އަކާއި ގުޅިގެން މިމަހި 10 ވަނަ ދުވެހި.
ކައުންސިލުން މައުލޫމާތު ދޭގޮތެ އަގަ ކަނޑައަޅާށާއި އަގަ ނެގުމެ ހަމަހަމަ އުސޫލެއް ގިނެވޭއް އޮތީ، ހަމައެކަނި ޓެކްސީތަކި މީޓަރަ ހަރަކޮށްގެން ކަމަށް އެންމެންނަސް އެއްބަސްވެތާ. އަދި އެކި ހިސާބަތަކި ދުރުމިން އެކި ވަރަށް ހިންނެހެދީ، މިކޯ ހަމަޖެހިފެއިވޭ އުސޫލުން އެއް ހަމާކި އަގަތަށް ނަގާއް ދަތިތަކަށް ކުރިމަތިވެފެއި ވޭ ކަމަށަސް ކައުންސިލުން މައުލޫމާތު ދެއި.
މީޓަރަ ހަރަކެރާއް ބޭނުން ޑްރައިވަރުންނަށް އެހީވުމުގެ ގޮތުން ކައުންސިލުގެ ފަރާތުން އެވެރިންނަށް މީޓަރަ ފޯރުކޮށްދޭއް ކައުންސިލުން ވެނީ ނިންމަފެއި. އެގޮތުން 2016 ވަނަ އަހަރަ ކައުންސިލެ ބަޖެޓެ އެކަން ވެނީ ހިމަނަފެއި.
ކައުންސިލެ އޮފިޝަލަކާ މައުލޫމާތު ދިން ގޮތެ ހަތަރަ ލައްކަ ނުންފެހޭ ފަސް ލައްކަ ރުފިޔާއް 100 ވަރަކަށް މީޓަރަ ގިނެވޭހެއް. އެހެއިކަށް ވަރަށް މީޓަރަ ގިނާސްގެން އެކަން ފެށޭހެއް ކަމަށް ލަފާވޭހެއް ކަމަށް ކައުންސިލެ އޮފިޝަލް މައުލޫމާތު ދެއި.
އައްޑޫ ސިޓީ ކައުންސިލުން ޓެކްސީ ޚިދުމަތުން ނަގާނެ އަގަތައް ކަނޑައަޅަފެއި ވިޔަސް އެއާއި އެއްގޮތަށް ބައެއް ޑްރައިވަރުން އަމަލަ ނިކެރުމަކީ ވަރަށް ބޮޑޮވެގޭ މައްސަލައަށް. އެކަމާއި ގިނަ އަދަދެއްގެ ރައްޔިތުން އެނީ ހިތްހަމަނިޖެހުން ފައުޅުކެރަމުން.