8 ފެބްރުއަރީ އެއި ހިނގި ހަމަނިޖެހުންތަކި ހުޅުޖެހި ހިތަދޫ ޕޮލިސް ސްޓޭޝަން މަރާމާތު ކެރުމުގެ މަސައްކަތް ކެރާއް ނިންމައި އެ މަސައްކަތް ކޮންޓްރެކްޓަރާއި ހަވާލަކޮށްލިޔެ.
މައުލޫމާތު ލިބިފެއިވޭ ގޮތެ ހިތަދޫ ޕޮލިސް ސްޓޭޝަން މަރާމާތު ކެރާއް ހަވާލަކޮށްފެއި ވެނީ، އުހްދު އިންވެސްޓްމެންޓް ޕްރައިވެޓް ލިމިޓެޑާއި. އިއްޔެ މާލޭ ބޭވި ރަސްމިއްޔާތަކީ އެ މަސައްކަތި އެއްބަސްވުމެ ސޮއިކޮށްފެއި ވޭކޯ، އެއްބަސްވުމާއި ވޭގޮތުން މަސައްކަތް ފައްޓާތާން 100 ދުވެހި އެތެރެ އެ މަސައްކަތް ނިންމާއް ޖެހެއި.
ހިތަދޫ ޕޮލިސް ސްޓޭޝަން މަރާމާތު ކޮށް ނިމޭ ކަަލަކި އެތަނި އިތިރި ވަސީލަތްތައް ގާއިމްކެރާހެއް ކަމަށް ފުލުހުން މައުލޫމާތު ދެއި. އެގޮތުން ފޮރެންސިކް ލެބޯޓަރީ އަކަސް ޤާއިމްކެރާއް ނިންމަފެއި ވޭކަމަށް ވެއި.
2012 ވަނަ އަހަރަ ފެބްރުއަރީ 8 ވަނަ ދުވެހި ހިނގި ހަމަނިޖެހުންތަކި، ބާކިން ނުކުމި ހިތަދޫ ޕޮލިސް ސްޓޭޝަން ހުޅުޖެހި ފަހުން ފުލުހުންގެ ޚިދުމަތް ދޭއް ބޭނުން ކެރަނީ، ހިތަދޫ އެއި ހިންނެ ސްޓޭޓް ހައުސް. އެކަމަކި ފުލުހުންގެ ބަންދެ ތިބޭ މީހުން ބާއް އަދިއަސް ކުރިން ޕޮލިސް ސްޓޭޝަން ހިނގުވި އިމާރާތް ބޭނުން ކެރަތާ.