އެގޮތުން އެންމެ ފެރެތުމަ ސްޕީޑް ބްރޭކަރާ، ހިތަދޫ ބޮޑޮ މަގި ހިންނެ އާގަލާ މާޓެ ހިސާބި އެޑުމުގެ މަސައްކަތް މިރެއި އެމްއާރްޑީސީ ވެނީ ފައްޓަފެއި. ބޮނޑޮ މަގި އެޑަމުން އޭ ސްޕީޑް ބްރޭކަރާއި ފެޅޫމިނެ ހިންނެއި ގާތްގަނޑަކަށް 1 ފޫޓު ވަރަ.
'އައްޑޫލައިވް' އަށް މައުލޫމާތު ދެމުން އެމްއާރްޑީސީއެއި އޮފިޝަލަކާ ބެނިގޮތެ، އެ ކުންފުނިއެއި އަމާޒަކީ ވީ އެންމެ އަވަހަކަށް އައްޑޫ އެއި ތާރަ އެޑަގެން ހަދަފެއި ތިބި މަގަތަކި، ސްޕީޑް ބްރޭކަރަ އެޑައި ނިންމުން.
އޮފިޝަލް ބެނިގޮތެ، ތާރައެޑަގެން ހަދަފެއިވޭ މަގަތަކި، ހުށިހެއި ހިސާބަކި ސްޕީޑް ބްރޭކަރަ އެޑުމުގެ މަސައްކަތް ކެރާއް ވެނީ ނިންމަފެއި. އެހެން ކަމަކި 60 ކިލޯ މީޓަރަށް ދިއްވާއް ހުއްދަ އޮންނެ ހިސާބަތަކި ބްރޭކަރަ ނިއެޑާހެއް ކަމަށް އޮފިޝަލް މައުލޫމާތު ދެއި.
އެމްއާރްޑީސީގެ ފަރާތުން އައްޑޫ އެއި އެކުންފުނީގެ ފަރާތުން ތާރައެޑަގެން ހެދި ހުށިހެއި މަގަކި މިކޯ ވެނީ ރޯޑް ސައިންތައް ކުރަހައި ނިންމަފެއި. އެގޮތުން ހިތަދޫ ރަށްދެބައި މަގަ، މެދެއާރި މަގަ އަދި ފޭދޫ ރަށްދެބައި މަގި އަސް ރޯޑް ސައިންތައް ކުރަހައި ވެނީ ނިންމަފެއި.
މައުލޫމާތު ލިބިފެއިވޭ ގޮތެ ހިތަދޫ ބޮނޑޮ މަގި އަސް ރޯޑް ސައިންތައް ކުރެހުމުގެ މަސައްކަތް އެމްއާރްޑީސީ އިން ކެރާގޮތައް ވެނީ ހަމަޖެހިފެއި.
