އައްޑޫ ސިޓީ ލިންކް ރޯޑްގައި ދުއްވާފައިދިޔަ ޓެކްސީއެއްގެ ޑްރައިވަރަކަށް ނިދިގެން ގޮސް އެކްސިޑެންޓް ވެއްޖެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި މި އެކްސިޑެންޓް ހިނގާފައިވަނީ ހަންކެނޑެ އާއި މަރަދޫ ގުޅޭ ހިސާބުގައި އޮންނަ ކޯޒްވޭ މަތީގައެވެ. އެކްސިޑެންޓްގައި ލިންކް ރޯޑުން ދުއްވާފައި ދިޔަ ކާރު އެ ހިސާބުގައި ޖަހާފައި ހުރި ފެންސެއްގައި ޖެހި ކާރަށް ވަނީ ވަރަށް ބޮޑަށް ގެއްލުން ވެފައެވެ.
މައުލޫމާތު ލިބިފައިވާ ގޮތުގައި އެކްސިޑެންޓްވީ ކާރަކީ ހިތަދޫ ވިޝަން ޓެކްސީގެ ކާރެކެވެ.
'ވިޝަން ޓެކްސީ' ސެންޓަރުން ވާހަކަ ދެއްކި މީހަކު ބުނި ގޮތުގައި، އެކްސިޑެންޓްވިއިރު ކާރު ދުއްވަން އިން މީހާގެ ތުންފަތް ފަޅައިގެން ދިއުން ފިޔަވައި އިތުރު އަނިޔާތަކެއް އޭނާއަށް ލިބިފައި ނުވާކަމަށެވެ. އަދި އެވަގުތު ޑްރައިވަރު ފިޔަވައި އިތުރު ބަޔަކު ޓެކްސީގައި ނެތްކަން އޭނާ ވަނީ ކަށަވަރުކޮށްދީފައެވެ.