މަރަދޫގެ ސިއްހީ މަރުކަޒުގެ އާ އިމާރާތުގެ މަސައްކަތް ނިންމައި ޖެނުއަރީ މަހު ޚިދުމަތް ދޭން ފެށޭނެ ކަމަށް މަރަދޫ މަރުކަޒުން ބުނެފި އެވެ.
މަރަދޫ ސިއްހީ މަރުކަޒުގެ އޮފިޝަލަކު 'އައްޑޫލައިވް' އަށް ވިދާޅުވީ މަސައްކަތް އެއްކޮށް ނިންމައި އަންނަ މަހުގެ މެދު ތެރޭގައި ބޭނުން ކުރަން ފެށޭނެ ކަމަށް ލަފާ ކުރެވޭ ކަމަށެވެ.
އޮފިޝަލް ވިދާޅުވީ ސިއްހީ މަރުކަޒުގެ މަސައްކަތް ނިމި ބޭނުން ކުރަން ފަށާ އިރު އެތަން ވެގެން ދާނީ 10 އެނދުގެ ސިއްހީ މަރުކަޒަކަށް ކަަމަށެވެ.
މަރަދޫ ސިއްހީ މަރުކަޒުގެ އާ އިމާރާތާއި ކުރީގެ އިމާރާތް ގުޅުވަން ހަދާ ބަޔާއި ކުރީގެ އިމާރާތުގެ މަރާމާތު މަސައްކަތް ހެލްތު މިނިސްޓްރީން ހަވާލުކޮށްފައި ވަނީ ޔުމާން ކޮންސްޓްރަކްޝަނާ އެވެ. އެ މަސައްކަތް އެ ކުންފުންޏާ ހަވާލު ކުރީ ސެޕްޓެމްބަރު 3، 2015 ގަ އެވެ.
ޖުމްލަ 1.4 މިލިއަން ރުފިޔާ ހަރަދުކޮށްގެން ހަދާ އިމާރާތުގެ އިންސްޕެކްޝަން މިދިޔަ ސެޕްޓެމްބަރު މަހުގެ ތެރޭގައި ހެލްތު މިނިސްޓްރީން ވަނީ ނިންމައިފައެވެ.