ދިވެހި ޤައުމީ ފުޓުބޯޅަ ޓީމުގެ މެދުތެރެ ބެލެހެއްޓުމުގައި ފާއިތުވި 7 އަހަރު އެންމެ ބުރަކޮށް މަސައްކަތް ކޮށްފައިވާ ގައުމީ ޓީމުގެ އެންމެ މުހިންމު އެއް ކުޅުންތެރިޔާ މުހައްމަދު އާރިފް (ބަކާ)، ކުރިއަށް އޮތް ބަންގަބަންދު ކަޕުގައި ނުކުޅެން ނިންމައިފިއެވެ.
ބަކާ ގައުމީ ޓީމާއި ދުރުގައި ހުންނަން ނިންމާފައިވަނީ އަމިއްލަ ސަބަބަކަށްޓަކައި ކަމަަށް އައްޑޫލައިވް އަށް ވަނީ މައުލޫމާތު ލިބިފައެވެ.
ނިމިގެންދިޔަ ސާފް ސުޒުކީ ކަޕުގައި ބަކާގެ މާބޮޑު ބައިވެރިވުމެއް ފެނިފައިނުވާއިރު ބައެއް ފަރާތްތަކުން ވަނީ މިއީ އޭނާ ގައުމީ ޓީމާ ދުރުގައި ހުރުމަށް ނިންމި ސަބަބެއްތޯ ސުވާލު އުފައްދާފައެވެ.
2008 ވަނަ އަހަރުގެ ސާފް ޗެމްޕިއަންޝިޕް އިން ގިނަ މީހުންނަށް ފެނިގެން ދިޔަ ބަކާ ވަނީ އެއަހަރު ރާއްޖެއަށް ޗެމްޕިއަންކަން ހޯދުމަށް އެހީތެރިވެދީފައެވެ.
އޭގެ ފަހުން ބަކާ އަކީ ގައުމީ ޓީމުގައި މުހިއްމު ކުޅުމެއް ދައްކައި 2010 ވަނަ އަހަރު ހަވީރު ސްޕޯޓްސް އެވާޑްގައި އެއަހަރުގެ މޮޅު ކުޅުންތެރިޔާގެ އެވާޑް ހޯދާފައެވެ.
2014 ވަނަ އަހަރުގައި އޭނާވަނީ މިޔަންމާރް ގެ ފުރަތަމަ ޑިވިޝަނުގެ ކުލަބެއް ކަމަށްވާ ކްލަބް ކަންބަވާޒާ ފުޓްބޯލް ކްލަބަށް ސޮއިކޮށްފައެވެ.