އައްޑޫ ސްޓޭޑިއަމްގައި މިހާރު ކުރިއަށްދާ މިނިވަން 50 ޗެމްޕިއަންޝިޕް ފައިނަލް ބުރުގައި ފޭދޫ ޓީމާއި، ފަރެސް މާތޮޑާ ބައްދަލު ކުރި މެޗް 1-1 ލަނޑުން އެއްވަރު ވެއްޖެއެވެ.
މެޗްގެ ފުރަތަމަ ލަނޑު ޖަހައި ލީޑް ނެގީ ފޭދޫ ޓީމަށް ކުޅޭ ބިދޭސީ ކުޅުންތެރިއާ ޖޯޖްއެވެ. ފަރެސް މަތޮޑާއިން އެއްވަރު ކުރި ލަނޑު ޖެހީ ޝަމްވީލް ގާސިމް (ބޮންޑާ)އެވެ.
މެޗްގައި ދެޓީމަށްވެސް ލަނޑު ޖަހާނެ ރަނގަޅު ފުރުސަތުތަކެއް ލިބި ވަނީ ބޭނުން ނުކުރެވިފައެވެ.
މިނިވަން 50 ފަހު ބުރުގައި އައްޑޫގައި ކުޅެނީ ލ. ގަން، ސ.ފޭދޫ، ފަރެސް މާތޮޑާ އާއި ވ. ކެޔޮދޫއެވެ. މުބާރާތުގެ ފުރަތަމަ މެޗްގައި އިއްޔެ ލ.ގަން އާއި ކެޔޮދޫ ބައްދަލު ކުރި މެޗް 2-0 ލަނޑުން ކާމިޔާބްކުރީ ލ. ގަން ޓީމެވެ.