ޓެކްސް ގެ މައްސަލައިގައި ބާސެލޯނާގެ މިޑްފީލްޑަރ ހާވިއާ މަޝެރާނޯ އެއް އަހަރު ދުވަހަށް ޖަލަށް ލުމަށާއި 815000 ޔޫރޯ އިން ޖޫރިމަނާ ކޮށްފިއެވެ. ނަމަވެސް މަޝެރާނޯގެ ވަކީލު ވަނީ ޖަލުގެ ހުކުމް ވެސް ޖޫރިމަނާ އަކަށް ބަދަލުކުރުމަށް އެދިފައެވެ.
އެހެންކަމުން އޭނާ ޖަލުގެ ގޮޅިއެއްގައި ހުރުމަކީ ދުރު ކަމެއްކަމުގައި ބެލެވެއެވެ.
އާޖެންޓީނާގެ ގައުމީ ޓީމަށްވެސް ކުޅެމުން އަންނަ މަޝެރާނޯ ވަނީ 2011 އަދި 2012 ގައި ވެސް ޓެކްސް މައްސަލައެއް ޖެހިފައިވާ ކަމަށް އެއްބަސްވެފައެވެ. ނަމަވެސް އޭނާ ވަނީ މިހާރު އެފައިސާ ތައް ދައްކާފައެވެ.
މިކަމާ ގުޅިގެން މަޝެރާނޯ ބުނެފައިވަނީ އޭނާ އަކީ ޕްރޮފެޝަނަލް ފުޓުބޯޅަ ކުޅުންތެރިއެއް ކަމަށެވެ. ސްޕެއިންގެ ޓެކްސް އާ ގާނޫނީ ކަންތައްތަކަކީ އޭނާއަށް އެހާ ބޮޑަށް އެނގޭ ކަންތައްތަކެއް ނޫންކަމަށެވެ. އަދި މިކަންތަކަށް އޭނާ ޖެހެނީ އެހެންމީހުންގެ މަދަދު ހޯދާށެވެ.
މީގެ އިތުރުން މަޝެރާނޯ ބުނެފައިވަނީ އޭނާ އަކީ ތެދުވެރި މީހެއްކަމަށެވެ. މީގެ ކުރިން އޭނާ ކުޅެފައިވާ ގައުމު ތަކާއި ކުލަބު ތަކުގައިވެސް އިހުތިރާމާ ޒިންމާދާރު ކަމާއެކީ އޭނާ ވަނީ ކުޅެފައި ކަމަށް މަޝެރާނޯ ވަނީ ނޫސްވެރިންނާ ބައްދަލުކޮށް ބުނެފައެވެ.
މީގެ ކުރިންވެސް ބާސާ އަދި އާޖެންޓީނާގެ އޭނާގެ ޓީމްމޭޓެއް ކަމަށްވާ ލިއޯ މެސީ ވަނީ ޓެކްސް މައްސަލައެއް ސާބިތުވެފައެވެ.