އަދާލަތު ޕާޓީގެ ރައީސް ޝެއިޚް އިމްރާން އަބްދުﷲގެ މައްޗަށް ކުރެވެމުންދާ ޝަރީޢަތް ހިންގަމުންދާ އުސޫލާއި މެދު ޝެއިޚް އަޒްމަތު ޖަމީލު ކަންބޮޑުވުން ފާޅުކޮށްފިއެވެ.
ޝެއިޚް އަޒްމަތްގެ ފޭސްބުކްގައި އެބޭފުޅާ ލިޔުއްވާފައިވާ ގޮތުގައި ޝެއިޚް އިމްރާންގެ ޝަރީޢަތް ކުރިއަށް ގެންދަނީ އިސްލާމީ ޝަރީޢަތުގައި އަންގާފައިވާ އިންސާފުގެ އުސޫލުން ކަން ޤަބޫލުކުރަން ދަތި ކަމަށެވެ.
" ޝެއިޚް އިމްރާންގެ ޝަރީޢަތް ކުރިއަށް ގެންދަނީ އިސްލާމީ ޝަރީޢަތުގައި އަންގާފައިވާ އިންސާފުގެ އުސޫލުން ކަން ޤަބޫލުކުރަން ދަތި. ފަނޑިޔާރުގެ އާއި މެދު ރައްޔިތުންގެ އިތުބާރު އުފައްދަން ޖެހޭ "، ޝެއިޚް އަޒްމަތު ލިޔުއްވާފައި ވެއެވެ.
ޝެއިޚް އަޒްމަތުގެ އިތުރުން ރާއްޖޭގެ ގިނަ އަދަދެއްގެ ދީނީ ޢިލްމުވެރިންނާއި، ސިޔާސީ ފަރާތްތަކުން ވެސް ގެންދަނީ ޝެއިޚް އިމްރާންގެ މައްޗަށް ހިންގާ ޝަރީޢަތަކީ ބޭއިންސާފު ޝަރީޢަތެއް ކަމަށް ބުނެ ކަންބޮޑުވުން ފާޅުކުރަމުންނެވެ.