"މޯލްޑިވިއަން އައިޑޮލް"ގެ ނަމުގައި ދިވެހިރާއްޖޭގެ ޤައުމީ ޓީވީ އިން ފަތުރަމުންދާ ޝައިތާނީ ޢަމަލަކީ އޭގައި އެއްވެސް ހެވެއް އެކުލެވޭ އެއްޗެއް ނޫން ކަމަށް ޝެއިޚް އަހްމަދް ނާޒިހް ވިދާޅުވެއްޖެއެވެ.
އައްޑޫ ސިޓީ މީދޫއަށް ނިސްބަތްވާ ޒުވާން ޝެއިޚް އިތުރަށް ވިދާޅުވެފައިވާ ގޮތުގައި "މޯލްޑިވިއަން އައިޑޮލް"ގެ ޝައިތާނީ ޢަމަލު ޕްރޮމޯޓް ކުރުމަށް ރާއްޖޭގެ މީޑިޔާ ތަކުން ކުރަމުން ގެންދާ މަސައްކަތް ކުށްވެރިކުރައްވާފައި ވެއެވެ.
ޝެއިޚް ނާޒިހް ވަނީ ގޮތުގައި "މޯލްޑިވިއަން އައިޑޮލް" ޕްރޮމޯޓް ކުރުމަށް ރާއްޖޭގެ މީޑިޔާ ތަކުން ކުރަމުން ގެންދާ މެދު އެބައި މީހުންނާއި ޤިޔާމަތް ދުވަހު ސުވާލު ކުރެވޭނެ ކަމީ ޝައްކެއް އޮތް ކަމެެއް ނޫންކަމަށް ވިދާޅުވެ، އެފަދަ ޢަމަލުތަކުން ދުރުހެލިވުމަށް ނަސޭޙަތްތެރިވެވަޑައިގެންފައެވެ.
" އަދި މި ޝައިތާނީ ޢަމަލު ޕްރޮމޯޓް ކުރުމަށް ރާއްޖޭގެ މީޑިޔާ ތަކުން ކުރަމުން ގެންދާ މަސައްކަތާއި މެދު އެބައި މީހުންނާއި ޤިޔާމަތް ދުވަހު ސުވާލު ކުރެވޭނެ ކަމީ ޝައްކެއް އޮތް ކަމެއް ނޫން. އެންމެހާއި އަޚުންނާއި އުޚްތުންނަށް މިފަދަ ނުބައި ޢަމަލު ތައް ކުރުމާއި މަންޒަރުތައް ބެލުމުން ދުރހެލިވުމަށް ނަސޭޙަތްތެރިވަން. " ޝެއިޚް ނާޒީހް ވިދާޅުވެފައި ވެއެވެ.